Salmow 49:10 - An Bibel Kernewek 20234 (Kernewek Kemmyn)

¹⁰ Rag ev a wel tus skiansek dhe verwel, ha'n den anfur ha'n talsogh keffrys a dhe goll, ha gasa aga fythow dhe dus erell.

An Sowter 1997 2023

¹⁰ Rag ev a wel tus skiansek dhe verwel, ha'n den anfur ha'n talsogh keffrys a dhe goll : ha gasa aga fythow dhe dus erell.

Salmow 49:10 ပူးပေါင်းရင်းမြစ်များ

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Salmow 39:6

Rag den a gerdh avel skeus; yn hwir ev yw troblys yn euver; ev a wra bern a rychys ha ny woer piw a'n kuntell.

Salmow 49:17

Rag ny gemmer ganso travyth pan varwo; ny dhiyskynn y splannder war y lergh.

Salmow 73:22

Mar dalsogh en vy, ha diskians; kepar ha lodhen en vy a-dheragos.

Salmow 89:49

Ple'ma dha dregeredhow koth, A Arloedh, an re a desys dhe Davydh y'th lelder?

Salmow 94:8

Ombreder, hwi anfur yn mysk an bobel; ha hwi an re dalsogh, p'eur fydhowgh fur?

Lavarow Koth 11:4

Nyns eus prow a rychys yn dydh a sorr, mes ewnder a dhelirv a ankow.

Lavarow Koth 12:1

Neb a gar dyskybleth a gar godhvos, mes neb a gas keredh yw talsogh.

Lavarow Koth 14:24

Kurun an re fur yw aga rychys, mes follneth yw garlont an fellyon.

Lavarow Koth 30:2

Re dalsogh ov yn sur dhe vos gour; Ny'm beus konvedhes denel.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 17:11

Dell esedh an rugyar, heb gori; yndellma yw an re a wayn golusogneth, heb ewnder; yn hanter y dhydhyow hi a'n gas, hag yn y dhiwedh ev a vydh foll.

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,