Salmow 46:9 - An Bibel Kernewek 20234 (Kernewek Kemmyn)

⁹ Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

An Sowter 1997 2023

⁹ Ev a wra dhe vreselyow hedhi bys yn pennow an nor : ev a derr an warak, ha treghi an guw, ha leski an charettow y'n tan.

Salmow 46:9 ပူးပေါင်းရင်းမြစ်များ

Salmow 66:5

Dewgh, ha gwelewgh gwriansow Duw; euthyk yw ev yn y weythres orth mebyon den.

Ysay 10:23

Rag an Arloedh, Duw an luyow, a wra distruyans leun, dell veu ordenys, yn kres oll an tir.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ezekiel 39:3

My a wysk dha warak yn-mes a dha dhorn gledh, ha gul dhe'th sethow koedha yn-nans yn-mes a dha dhorn dhyghow.

Mika 5:10

Hag y'n jydh na, yn-medh an Arloedh, my a dregh dha vergh a-dhiworthis ha shyndya dha jarettow;

Yoshua 11:6

An Arloedh a leveris dhe Yoshua, ‘Na borth own a'ga govis: rag a-vorow dhe'n prys ma my a's delirv, pubonan ledhys, a-rag Ysrael: ty a evredh aga mergh, ha leski aga charettow gans tan.’

Yoshua 11:9

Ha Yoshua a wrug dhedha dell worhemmynnis an Arloedh dhodho: ev a evredhis aga mergh, ha leski aga charettow gans tan.

1 Samuel 2:4

Gwaregow gwer alloesek yw terrys, ha'n re a drebuch yw grogysys gans nerth.