Salmow 46:5 - An Bibel Kernewek 20234 (Kernewek Kemmyn)

⁵ Yma Duw a-bervedh ynni, ytho ny wra hi krena; Duw a weres dhedhi orth tardh an jydh.

An Sowter 1997 2023

⁵ Yma Duw a-bervedh ynni, ytho ny wra hi krena : Duw a weres dhedhi orth tardh an jydh.

Salmow 46:5 ပူးပေါင်းရင်းမြစ်များ

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Yoel 2:27

Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Sefania 3:15

An Arloedh a gemmeras dhe-ves dha vreusow, ev re fesyas dha eskar: yma myghtern Ysrael, an Arloedh, a-berth ynnos: ny' fydh own a dhroktra namoy.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Salmow 62:2

Ev y honan yw ow harrek ha'm selwyans, ow dinas ma na vydhav disevys nevra.

Salmow 112:6

Rag ny wra ev trebuchya bynitha; an den gwiryon a vydh synsys yn kov bys vykken.

Matthew 18:20

Rag le may ma dew po tri kuntellys war-barth y'm hanow vy, ena yth esov yn aga mysk.’

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Ezekiel 43:9

Lemmyn gorrens dhe-ves aga horyans ha peulveyn aga myghternedh pell dhiworthiv, ha my a drig yn aga mysk bys vykken.

Salmow 62:6

Ev y honan yw ow harrek ha'm selwyans; ow dinas, ma na goetthiv.

Dewteronomi 23:14

Rag an Arloedh dha Dhuw a gerdh yn mysk dha gamp dhe'th sawya ha dhe dhelivra dha eskerens a-ragos. Dha gamp a vydh sans, ma na wello ynnos travyth anwiw, ha treylya a-dhiworthis.

Salmow 37:40

Ha'n Arloedh a weres dhedha, ha'ga difres; ev a's difres a'n debeles, ha'ga selwel, rag i a hwila skovva ynno.

Hosea 11:9

Ny gowlwrav ow honnar fell; ny dhehwelav dhe dhistrui Efraym: rag Duw ov vy a-der gour; an Sans yn agas mysk, ha ny dhov vy yn sorr.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Luk 18:8

Lavarav dhywgh, ev dhe wul gwirvreus ragdha hware. Mes pan dheu Mab an den, a gyv ev fydh war an nor?’

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Diskwedhyans 2:1

‘Dhe el an eglos yn Efesus skrif: Neb a syns an seyth sterenn yn y dhorn dhyghow ha kerdhes yn mysk an seyth kantoler owrek a lever an taklow ma:

Eksodus 14:27

Ytho Moyses a ystynnas y dhorn dres an mor, ha'n mor a dhehwelis dh'y worlanow usadow pan dheuth myttin. An Ejyptianys a fias dhiworto, ha'n Arloedh a dhomhwelas an Ejyptianys yn kres an mor.

Eksodus 14:24

Hag yn goel an myttin an Arloedh y'n goloven a dan ha kommol a viras war-woeles war lu an Ejyptianys, ha gorra lu an Ejyptianys yn deray,

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.