Salmow 46:2 - An Bibel Kernewek 20234 (Kernewek Kemmyn)

² Rakhenna ny berthyn own, kyn fo an nor chanjys, ha kyn krenno an menydhyow yn kres an mor;

An Sowter 1997 2023

² Rakhenna ny berthyn own, kyn fo an nor chanjys : ha kyn krenno an menydhyow yn kres an mor;

Salmow 46:2 ပူးပေါင်းရင်းမြစ်များ

2 Samuel 22:3

Duw ow harrek may hwilav skovva ynno, ow skoes, ha korn ow selwyans, ow dinas ha'm skovva, ow selwador; ty a'm saw dhiworth freudh.

Salmow 142:6

Goslow dhe'm garm; rag yth ov vy dres pur isel. Gwra ow delivra dhiworth ow helghysi, rag kreffa yns i agesov.

Salmow 18:7

Ena an nor a grenas ha kryghylli; ha selyow an menydhyow a grysyas ha krena, rag y vos serrys.

Salmow 23:4

Ha kyn kerdhav dre nans skeus ankow, ny borthav own a dhrog; rag yth esos genev; dha welenn ha'th lorgh a'm hebaskha.

Salmow 27:3

Kyn hwrello lu kampya er ow fynn, ny berth ow holonn own; kyn sortyo bresel er ow fynn, hwath my a vydh fydhyansek.

Salmow 28:7

An Arloedh yw ow nerth ha'm skoes; ow holonn re drestyas ynno ev, ha gweresys ov vy, ytho ow holonn a lowenha yn feur, ha gans ow han my a'n gormel.

Salmow 37:39

Yma selwyans dhe'n re wiryon dhiworth an Arloedh, aga skovva yn termyn anken.

Salmow 59:17

Dhiso jy, ow nerth, y kanav gormola; rag Duw yw ow dinas, an Duw a'm tregeredh.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Salmow 62:9

Yn tevri, euveredh yw tus isel, ha tus ughel yw gow; y'n vantol yth ons i war-vann, skaffa yns i es euveredh.

Salmow 82:5

Ny wodhons ha ny gonvedhons, mes i a gerdh yn-rag yn tewolgow; oll selyow an nor a gren.

Salmow 91:2

My a lever dhe'n Arloedh, ‘Ow skovva, ha'm dinas; ow Duw a drestyav ynno.’

Yeremia 14:8

A wovenek Ysrael, y selwador yn termyn ahwer, prag y tal dhis bos avel alyon y'n tir, hag avel tremenyas a dreyl a-denewen dhe spena an nos?

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Matthew 21:21

Ha Yesu a worthybis ha leverel dhedha, ‘Yn hwir y lavarav dhywgh, mar pydh genowgh fydh heb hokya, ny wrewgh yn unnsel an dra gwrys dhe'n figbrenn, mes ynwedh mar leverewgh dhe'n menydh ma, “Ty bydh drehevys ha tewlys y'n mor”, henna a hwyrvydh;

Luk 21:33

Nev ha nor a dremen dhe-ves, mes ow geryow vy, ny dremenons dhe-ves.

Ebrowyon 13:6

Ytho, ni a lever yn kolonnek, ‘An Arloedh yw ow gwereser, ny'm bydh own; pandr'a yll den gul dhymm?’