Salmow 45:7 - An Bibel Kernewek 20234 (Kernewek Kemmyn)

⁷ Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

An Sowter 1997 2023

⁷ Ty a garas ewnder ha kasa sherewneth : rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 45:7 ပူးပေါင်းရင်းမြစ်များ

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

Salmow 101:8

Pub myttin my a dhistru oll tebeles an tir, ha treghi dhe-ves oll an dhrogoberoryon dhiworth sita an Arloedh.

Salmow 11:7

Rag an Arloedh yw gwiryon, ev a gar ewnder; an den ewnhynsek a wel y fas.

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Salmow 21:6

Rag ty a ros dhodho bennathow bys vykken; ty a'n gwra heudhik gans lowena a-wel dhe'th fas.

Salmow 33:5

Ev a gar ewnder ha gwirvreus; leun yw an norvys a dhader an Arloedh.

Salmow 89:20

My re gavas Davydh ow gwas; gans ow oyl sans my re'n untyas.

Salmow 89:26

Ev a elow warnav, “Ow thas osta jy, ow Duw, ha karrek ow selwyans.”

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Levitikus 8:12

Hag ev a dhinewis rann a oyl an untyans war benn Aron ha'y untya dh'y sanshe.

Matthew 3:15

Mes Yesu a worthybis ow leverel dhodho, ‘Gas henna dhe vos lemmyn, rag yndellma y tegoedh dhyn kollenwel pub ewnder.’ Ena ev a assentyas.

Matthew 7:23

Hag ena my a dheklar dhedha, “Bythkweth ny'gas aswonnis; diberthewgh dhiworthiv, hwi dhrogoberoryon!”

Luk 13:27

Hag ev a lever dhywgh, “Ny'gas aswonnav, a-ble owgh; diberthewgh dhiworthiv, hwi dhrogoberoryon oll!”

Luk 3:22

ha'n Spyrys Sans a dheuth yn-nans warnodho yn furv gorfek, kepar ha kolomm, ha lev a dheuth a nev, ‘Ty yw ow Mab karadow; ynnos yma ow delit.’

Yowann 1:16

Rag a'y leunder ni oll re dhegemmeras, ha gras war ras;

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Oberow 2:28

Ty re dhiskwedhas dhymm an fordhow a vewnans; ty a'm lenow a heudhder gans dha wolok.”

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.