Salmow 44:14 - An Bibel Kernewek 20234 (Kernewek Kemmyn)

¹⁴ Ty a'gan gwra ensampel yn mysk an kenedhlow, ha gul dhe'n poblow shakya an penn orthyn.

An Sowter 1997 2023

¹⁴ Ty a wra dhyn bos mewl dh'agan kentrevogyon : skorn ha ges dhe'n re usi yn agan kyrghynn.

Salmow 44:14 ပူးပေါင်းရင်းမြစ်များ

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

2 Myghternedh 19:21

Hemm yw an ger re gewsis an Arloedh er y bynn: Hi a'th tispres, hi a'th skorn – an wyrghes, myrgh Sion; myrgh Yerusalem re shakyas hy fenn war dha lergh.

2 Kroniklys 7:20

ena my a'th tiwreydh dhiworth an tir a res vy dhis; ha'n chi ma a sakris rag ow hanow my a dewl yn-mes a'm golok, ha my a'n wra henlavar ha ges yn mysk oll an poblow.

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Job 16:4

My ynwedh a allsa kewsel kepar dell wrewgh, mar pewgh y'm tyller vy. My a allsa junya geryow war-barth er agas pynn, ha shakya ow fenn orthowgh.

Job 17:6

‘Ev a wrug dhymm bos henlavar a'n poblow, ha tus a drew y'm fas.

Salmow 109:25

My a dheuth ha bos skorn dhedha; pan y'm gwelsons, i a shakyas aga fenn.

Salmow 123:3

Kemmer truedh ahanan, A Arloedh, kemmer truedh ahanan, rag ni re beu lenwys yn tien a dhespit.

Salmow 22:7

Seul a'm gwel a wra ges ahanav, i a gamm aga min ha shakya an penn.

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Ysay 37:22

hemm yw an ger re gewsis an Arloedh er y bynn: ‘Hi a'th tispres, hi a'th skorn – an wyrghes, myrgh Sion; myrgh Yerusalem re shakyas hy fenn war dha lergh.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Dewteronomi 28:37

Ty a vydh an acheson a euth, ha parabolenn, ha ges yn oll an poblow may hwra an Arloedh dha ledya bys di.