Salmow 37:28 - An Bibel Kernewek 20234 (Kernewek Kemmyn)

²⁸ Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

An Sowter 1997 2023

²⁸ Rag an Arloedh a gar gwirvreus, ha ny as y syns : gwithys yns i bynitha, mes has an debeles a vydh terrys dhe-ves.

Salmow 37:28 ပူးပေါင်းရင်းမြစ်များ

Job 18:19

Ny vydh na agh na linyeth dhodho yn mysk y bobel, na denvyth gesys yn y annedhow.

Job 27:14

Mars yw lieshes y fleghes, yth yw rag an kledha; ha dh'y askorr nyns eus lowr dhe dhybri.

Salmow 11:7

Rag an Arloedh yw gwiryon, ev a gar ewnder; an den ewnhynsek a wel y fas.

Salmow 21:10

Ty a dhistru aga frut dhiworth an nor, ha'ga has dhiworth mebyon den.

Salmow 37:25

Yowynk veuv, lemmyn koth ov vy, mes bythkweth ny welis an den gwiryon gesys, na'y has ow peggya bara.

Salmow 37:40

Ha'n Arloedh a weres dhedha, ha'ga difres; ev a's difres a'n debeles, ha'ga selwel, rag i a hwila skovva ynno.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Lavarow Koth 2:22

mes an debeles a vydh terrys dhiworth an vro, ha'n falswesyon a vydh terrys dhe-ves anedhi.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Yeremia 9:24

Mes gesewgh an re a vost dhe vostya yn hemma, ev dhe'm konvedhes hag aswonn, ow bos an Arloedh; a wra tregeredh, gwirvreus, hag ewnder war an nor: rag y'n traow ma my a lowenha, yn-medh an Arloedh.

Yowann 15:9

Dell wrug an Tas ow hara, my ynwedh a wrug agas kara; trigewgh y'm kerensa.

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist: