Salmow 36:6 - An Bibel Kernewek 20234 (Kernewek Kemmyn)

⁶ Dha ewnder yw kepar ha menydhyow Duw, dha vreusow yw kepar ha'n downder meur. Ty, A Arloedh, a selow den hag enyval.

An Sowter 1997 2023

⁶ Dha ewnder yw kepar ha menydhyow Duw : dha vreusow yw kepar ha'n downder meur.

Salmow 36:6 ပူးပေါင်းရင်းမြစ်များ

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 7:20

Mar peghav, pandr'a wrav dhis, ty goelyador mab-den? Prag y'm settsys avel dha gostenn? Prag yth ov vy begh ragos?

Salmow 145:9

An Arloedh yw da orth pub den oll, hag yma y druedh dres oll y oberow.

Salmow 147:9

Ev a re dhe'n gwarthek aga boes, ha dhe ydhnigow an varghvran pan elwons.

Salmow 31:20

Yn goskes dha fas ty a's kudh rag towlow den; ty a's kudh yn skovva, pell dhiworth strif tavosow.

Salmow 71:19

Ha'th ewnder, A Dhuw, a dhrehedh dhe'n ughelder, ty neb re wrug gwriansow meur; A Dhuw, piw yw avelos jy?

Salmow 77:19

Yma dha fordh y'n mor, ha'th hynsyow y'n dowrow meur; ha nyns yw olow dha dreys aswonnys.

Salmow 92:5

A Arloedh, ass yw meur dha oberow! Pur dhown yw dha brederow.

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Eksodus 9:28

Pys an Arloedh; rag lowr re beu a'n taran ha'n keser ma; my a as dhywgh mones, ha ny wrewgh hwi gortos na fella.’

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Kynvannow 3:23

Nowydhhes vydhons pub myttin, bras yw dha lelder.

Yona 4:11

Ytho a ny gemmerav vy truedh a Nineve, an sita vras, mayth eus ynni moy es hwegh-ugens mil dhen na wodhons dissernya ynter aga leuv dhyghow ha'ga leuv gledh, ha myns meur a warthek?’

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

Romanyon 3:25

neb a worras Duw yn-rag avel tregeredhva dre fydh yn y woes, dhe dhiskwedhes y ewnder, ow kasa heb kessydhyans an peghosow re bia gwrys kyns;

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

1 Timothi 4:10

Dhe hemma ni a lavur ha strivya, rag yma agan govenek y'n Duw bew, neb yw an Selwador a bub den, hag a gryjygyon dres oll.

1 Samuel 14:15

Yth esa kren y'n lu, y'n gwel, hag yn mysk oll an bobel; an savla-goelyadoryon, bagas an ravnoryon a grenas ynwedh, ha'n dor a grysyas; hag y teuth ha bos skruth pur vras.