Salmow 36:4 - An Bibel Kernewek 20234 (Kernewek Kemmyn)

⁴ Ev a dewl dregynn war y weli; hag ev a worr y honan yn fordh nag yw da; ny hepkorr sherewneth.

An Sowter 1997 2023

⁴ Ev a dewl dregynn war y weli, hag ev a worr y honan yn fordh nag yw da : ny hepkorr sherewneth.

Salmow 36:4 ပူးပေါင်းရင်းမြစ်များ

Ester 5:14

Ena yn-medh Zeresh y wreg hag oll y gowetha dhodho, ‘Pareusens gwydhenn hanter-kans kevelin hy ughelder, ha ternos vyttin kows orth an myghtern may fo Mordekay kregys warnedhi: ena ke a-ji yn heudh gans an myghtern dhe'n kevewi.’ An gusul ma a blesyas Haman, ha pareusi an wydhenn a wrug.

Ester 6:4

Yn-medh an myghtern, ‘Piw usi y'n klos?’ Lemmyn y feu Haman devedhys y'n garth war-ves a ji an myghtern, rag kewsel dhe'n myghtern a-dro dhe gregi Mordekay war an wydhenn a bareussa ragdho.

Job 15:16

pyseul dhe le yn mab-den yw kasadow ha legrys, yn gour a yv kammhynseth kepar ha dowr!

Salmow 38:12

Ha'n re a hwila ow enev a worr maglennow; ha'n re a vynn ow fystiga a gews a wodrosow, ow prederi falsuri oll an jydh.

Salmow 52:3

Ty a gar drog moy ages da, ha gowleverel moy ages kewsel gwiryonedh. Sela.

Salmow 97:10

Hwi neb a gar an Arloedh, kesewgh drog; ev a with enevow y syns; ev a's delirv dhiworth dorn an debeles.

Lavarow Koth 24:2

Rag aga holonn a dhevis freudh, ha'ga diwweus a gews a dhregynn.

Lavarow Koth 24:23

Yma an re ma ynwedh dhe'n re fur. Nyns yw ragvreusi da.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Ysay 65:2

My re lesas ow diwla oll an jydh dhe bobel benn-kales usi ow kerdhes y'n fordh nag yw da, ow siwya aga thybyansow aga honan;

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Yeremia 8:6

My a woslowas ha klewes, mes ny gewsons yn ewn: ny goedhas denvyth yn edrek a'y dhrogedh, ow leverel, ‘Pandr'a wrug vy’? I oll a dreyl dh'aga resegva, par dell fysk margh sket dhe'n vatel.

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Matthew 27:1

Ha ternos vyttin, oll an bennoferysi ha henavogyon an bobel a wrug omgusulyans erbynn Yesu rag y worra dhe'n mernans;

Oberow 23:12

Pan dheuth an jydh an Yedhewon a wrug bras yn-dann li a vollethi, na wrens dybri nag eva kyns i dhe ladha Powl.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Romanyon 12:9

Gwres kerensa bos gwiryon; kesewgh an drog, glenewgh orth an da;

Diskwedhyans 2:2

‘My a aswonn dha wriansow ha'th lavur ha'th perthyans, ha fatell na yllydh godhav tus dhrog, ha ty re brovas an re a lever aga bos abesteli heb bos yndellma, ha kavoes aga bos gowygyon.

1 Samuel 19:11

Sowl a dhannvonas kannasow dhe ji Davydh dhe aspia orto ha dh'y ladha myttinweyth. Ha Mikal gwreg Davydh a dherivas orto, ‘Mar ny sawydh dha vewnans haneth, a-vorow ty a vydh ledhys.’