Salmow 34:19 - An Bibel Kernewek 20234 (Kernewek Kemmyn)

¹⁹ Meur yw ankenyow an den gwiryon, mes an Arloedh a'n delirv dhiworta oll.

An Sowter 1997 2023

¹⁹ Meur yw ankenyow an den gwiryon : mes an Arloedh a'n delirv dhiworta oll.

Salmow 34:19 ပူးပေါင်းရင်းမြစ်များ

Job 42:12

An Arloedh a vennigas an rann dhiwedhes a vewnans Job moy ages an kynsa. Yth esa dhodho peswardhek mil dhavas, hwegh mil gowrvargh, mil yew a oghen, ha mil asen.

Job 5:19

Ev a wra dha dhelivra dhiworth hwegh trobel; yn seyth ny wra drog mann dha dochya.

Salmow 147:3

Ev a yaghha an re trogh aga holonn, ha kelmi aga goliow.

Salmow 34:17

An re wiryon a arm, ha'n Arloedh a glew, ha'ga delivra dhiworth aga ankenyow oll.

Salmow 34:4

My a hwilas an Arloedh, hag ev a worthybis dhymm, ha'm delivra dhiworth pup-tra a borthav own anodho.

Salmow 34:6

An den truan ma a elwis, ha'n Arloedh a glewas, ha'y sawya a'y ankenyow oll.

Salmow 51:19

Ena ty a' fydh delit yn sakrifisow ewnder, offrynnow leskys ha kowlleskys; ena yth offrynnons lodhnow war dha alter.

Salmow 71:20

Ty, neb re dhiskwedhas dhymm lies anken bras ha drog, a'm bewha arta; ha ty a'm dre yn-bann dhiworth downderyow an nor.

Lavarow Koth 24:16

Rag den gwiryon a goedh seythgweyth ha sevel arta, mes an debeles yw domhwelys gans droglamm.

Ysay 55:6

Hwilewgh an Arloedh hedre vo dhe gavoes, gelwewgh warnodho hedre vo yn ogas;

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

2 Korinthianys 4:17

Rag yma agan galar ydhil na dhur marnas dres pols ow kwaynya ragon ni poes a wolewder a dhur bynitha, dres musur oll,

Ruth 1:3

Hag Elimelek gour Naomi a verwis, ha gesys o hi, ha'y dew vab gensi.