Salmow 34:18 - An Bibel Kernewek 20234 (Kernewek Kemmyn)

¹⁸ Yma an Arloedh ogas dhe'n re trogh aga holonn, hag ev a selow an re keudhesik aga spyrys.

An Sowter 1997 2023

¹⁸ Yma an Arloedh ogas dhe'n re trogh aga holonn : hag ev a selow an re keudhesik aga spyrys.

Salmow 34:18 ပူးပေါင်းရင်းမြစ်များ

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

2 Myghternedh 22:19

drefenn bos dha golonn medhel, ha ty dhe vos uvel a-dherag an Arloedh, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an Arloedh.

Salmow 119:151

Ogas osta, A Arloedh, hag oll dha worhemmynnow yw gwir.

Salmow 145:18

Yma an Arloedh ogas dhe bubonan a elow warnodho, dhe bubonan a elow warnodho yn gwiryonedh.

Salmow 145:19

Ev a gollenow bodh an re a berth own anodho, hag ev a glew aga kri, hag ev a's selow.

Salmow 147:3

Ev a yaghha an re trogh aga holonn, ha kelmi aga goliow.

Salmow 18:7

Ena an nor a grenas ha kryghylli; ha selyow an menydhyow a grysyas ha krena, rag y vos serrys.

Salmow 51:17

Sakrifisow Duw yw spyrys trogh; kolonn drogh ha keudhesik, A Dhuw, ny dhispresydh.

Salmow 75:1

Ni a woer gras dhis, A Dhuw, ni a woer gras; ogas yw dha hanow. Tus a dheriv dha varthusyon.

Salmow 85:9

Yn hwir yma y selwyans ogas dhe'n re a berth own anodho, may trykko golewder yn agan tir.

Ysay 55:6

Hwilewgh an Arloedh hedre vo dhe gavoes, gelwewgh warnodho hedre vo yn ogas;

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ezekiel 36:26

My a re dhywgh kolonn nowydh, ha gorra spyrys nowydh ynnowgh, ha kemmeres an golonn a ven dhiworth agas kig, ha ri dhywgh kolonn a gig.

Ezekiel 36:31

Ena hwi a berth kov a'gas drog fordhow ha'gas gweythresow na vons da; ha hwi a wra divlasa agas honan rag agas kammweythresow ha'gas gwriansow kasadow.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,