Salmow 33:16 - An Bibel Kernewek 20234 (Kernewek Kemmyn)

¹⁶ Nyns eus myghtern a allo bos selwys gans lu meur; nyns yw breselyas krev delivrys gans galloes meur.

An Sowter 1997 2023

¹⁶ Euveredh yw trestya yn margh rag selwyans : ha nyns yw denvyth selwys gans y nerth bras.

Salmow 33:16 ပူးပေါင်းရင်းမြစ်များ

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

2 Kroniklys 20:23

Rag mebyon Ammon ha Moab a omsettyas erbynn trigoryon menydh Seir, dh'aga diswul yn tien; ha wosa diswul trigoryon Seir, i eth yn-rag ow tistrui an eyl y gila.

Breusysi 7:2

An Arloedh a leveris dhe Gideon, ‘An re usi genes yw moy es dell eus edhomm dhymm dhe ri an Midyanysi yn aga leuv. Ny wra Ysrael marnas kemmeres an bri dhiworthiv, ow leverel, “Ow leuv evy re'm delivras.”

Eksodus 14:28

An dowrow a dhehwelis ha kudha an charettow ha'n varghogyon hag oll lu Faro re's siwsa y'n mor; ny veu gesys nagonan anedha.

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

2 Kroniklys 20:12

A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

1 Samuel 17:4

Hag y teuth yn-mes a gamp an Filistysi kampyer, ha'y hanow Goliath a Gath, neb o hwegh kevelin ha dornva yn ughelder.

Yoshua 14:12

Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

1 Myghternedh 20:10

Ben-hadad a dhannvonas dhodho ha leverel, ‘Re wrello an duwow yndellma dhymm, ha moy keffrys, mars eus doust lowr gesys yn Samaria dhe ri dornas dhe bubonan a'n bobel a'm siw.’

Breusysi 7:4

Ena an Arloedh a leveris dhe Gideon, ‘An bobel yw hwath re aga myns; kemmer i yn-nans dhe'n dowr ha my a's kroeder ragos ena. Pan lavarav, “Hemma a genes”, ev a genes; ha pan lavarav, “Nyns a hemma genes”, nyns a genes.’

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.

1 Myghternedh 20:15

Ena ev a guntellas an wer yowynk a serv pennsevigyon an rannvroyow, dew kans dewdhek warn ugens; hag a-wosa ev a guntellas oll an bobel a Ysrael, seyth mil.

2 Kroniklys 13:8

‘Lemmyn hwi a dyb y hyllowgh sevel orth gwlaskor an Arloedh yn leuv mebyon Davydh, drefenn agas bos gyllys ha bos routh vras ha bos genowgh hwi an leughi a owr a wrug Yeroboam dhe vos duwow ragowgh.

Job 36:7

Ny gemmer y dhewlagas dhiworth an den gwiryon, mes kepar ha myghternedh ev a's sett war dronyow ha'ga ughelhe bys vykken.

Job 39:11

A yllydh fydhya ynno drefenn y grevder, ha gasa dhodho dha lavur poes?

Salmow 20:8

Plegys yns dhe'n dor, ha koedhys; mes ni a omdhrehav, ha sevel a'gan sav.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Yeremia 48:14

Fatell yllowgh leverel, ‘Kasoryon alloesek on ni, ha gwer nerthek rag an vresel’?

Hosea 10:13

Hwi re aras droktra, ha mysi anewnder, ha re dhyb'sowgh an frut a wowyow; rag ty a drestyas y'th fordh, yn niver bras dha gasoryon.

Amos 2:14

Ny vydh tyller dhe fia dhodho rag an den skav, ha'n den krev ny with y nerth, na ny yll an kasor omsawya.

Amos 2:15

Ny sev an den a syns an warak, na ny skap an den skav y dreys, na ny yll an marghek omsawya.