Salmow 32:5 - An Bibel Kernewek 20234 (Kernewek Kemmyn)

⁵ My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

An Sowter 1997 2023

⁵ My a aswonnis ow feghes dhiso jy : ha ny gudhis ow hammweyth.

Salmow 32:5 ပူးပေါင်းရင်းမြစ်များ

2 Samuel 12:13

Hag yn-medh Davydh dhe Nathan, ‘My re beghas erbynn an Arloedh.’ Ha Nathan a leveris dhe Davydh, ‘Lemmyn an Arloedh re worras dhe-ves dha begh; ny verwydh.

2 Samuel 12:9

Prag y tispressys ger an Arloedh, dhe wul an drog yn y wolok? Ty re weskis Uria an Hittyas gans an kledha, ha kemmeres y wreg dhe vos dha wreg, ha'y ladha gans kledha an Ammonysi.

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

2 Samuel 24:17

Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

1 Myghternedh 8:50

ha gav dha bobel re beghas er dha bynn, hag oll aga threuspassow a wrussons er dha bynn; ha ro dhedha truedh yn golok an re a's dug yn kethneth, ma's teffo truedh warnedha

2 Kroniklys 6:29

po pysadow pynag, po aspysadow pynag gans den pynag, po gans oll dha bobel Ysrael, hag i oll owth aswonn aga duwon aga honan ha'ga galarow aga honan, hag owth ystynn aga diwleuv war-tu ha'n chi ma,

Ezra 10:11

Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’

Job 31:33

mar kelis ow hammweythresow dell wra mab-den, ow kudha ow sherewneth yn ow askra,

Job 33:27

Ev a gan a-rag dus ha leverel, “My re beghas ha kammdreylya an pyth a veu ewn, mes ny dhegemmeris an pyth a dhendilis.

Salmow 103:12

mar bell dell usi an howldrevel dhiworth an howlsedhes, mar bell re worras ev agan kammwriansow dhiworthyn ni.

Salmow 103:3

Neb a av dhis oll dha gammweyth, neb a yaghha oll dha glevesow,

Salmow 25:16

Treyl dhymmo vy, ha bydh grassyes orthiv; rag digoweth ha boghosek ov vy.

Salmow 25:18

Mir orth ow anken ha'm poenvos, ha gav oll ow feghosow.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 38:18

Rag my a avow ow hammweyth; troblys ov drefenn ow fegh.

Salmow 38:19

Mes bew ha nerthek yw ow eskerens, ha meur yw niver an re a'm kas yn fals.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Lavarow Koth 30:20

Hemm yw fordh avoutres: hi a dheber hag a sygha hy ganow ha leverel, ‘Ny wrug vy drog vyth.’

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Yeremia 2:23

Fatell yllydh leverel, ‘Nyns ov defolys, nyns idh war-lergh Baalim’? Gwel dha fordh y'n nans, godhvydh an pyth a wrussys: kasek-kowrvargh skav ow poenya a-dro yn hy fordhow;

Yeremia 2:35

ty a lever, ‘Ankablus ov; yn sur y sorr a wra treylya a-dhiworthiv.’ Otta, my a wra dha vreusi, drefenn ty dhe leverel, ‘Ny beghis.’

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Levitikus 5:5

Pan vo kablus yn neb onan a'n taklow ma, ev a gonfess an dra may peghas.

Malaki 3:8

A lader den dhiworth Duw? Mes hwi a lader dhiworthiv. Hwi a lever, ‘Fatell ledryn dhiworthis?’ An dega ha'n offrynn!

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Luk 7:47

Rakhenna y lavarav dhis, yma gevys dhedhi hy feghosow pals, rag hi dhe gara meur; mes ev may ma boghes gevys dhodho, boghes ev a gar.’

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Yoshua 7:19

Ena Yoshua a leveris dhe Akan, ‘Ow mab, ro enor dhe'n Arloedh, Duw Ysrael, ha ro grasyans dhodho. Deriv dhymm pandr'a wrussys; na gudh e ahanav.’