Salmow 32:11 - An Bibel Kernewek 20234 (Kernewek Kemmyn)

¹¹ Lowenhewgh y'n Arloedh, ha bedhewgh heudhik, hwi an re wiryon, germewgh yn lowen, oll hwi yw ewnhynsek agas kolonn.

An Sowter 1997 2023

¹¹ Galarow pals a vydh dhe'n tebelwas : mes neb a drest y'n Arloedh, tregeredh a dheu a-dro dhodho.

Salmow 32:11 ပူးပေါင်းရင်းမြစ်များ

Salmow 125:4

Gwra da, A Arloedh, orth an re yw da, hag orth an re yw ewnhynsek aga holonn.

Salmow 32:2

Gwynnvys an den na reken an Arloedh kammweyth dhodho, ha nag eus falsuri yn y spyrys.

Salmow 33:1

Lowenhewgh y'n Arloedh, hwi an re wiryon. Gormola yw gwiw dhe'n re ewnhynsek.

Salmow 5:11

Mes lowenhes seul a hwila skovva ynnos, kanens i rag joy bynitha, rag ty dh'aga gwitha, ha bedhes heudhik ynnos an re a gar dha hanow.

Salmow 64:10

An den gwiryon a lowenha y'n Arloedh, hag a hwila skovva ynno ev. Re vostyo oll an re yw ewn aga holonn.

Salmow 68:3

Mes lowenhes an re wiryon; bedhens heudhik a-dherag Duw; ha bedhens leun a joy.

Salmow 7:10

Yma ow skoes gans Duw, neb a selow an re ewn aga holonn.

Salmow 97:1

An Arloedh a reyn, lowenhes an nor; bedhes heudhik ynysow pals.

Salmow 97:12

Lowenhewgh y'n Arloedh, hwi an re wiryon, ha grassewgh dhodho ow kovhe y sansoleth.

Salmow 98:4

Gwra tros heudhik dhe'n Arloedh, oll an nor; kenewgh, ha germewgh gans joy, ha kenewgh gormola.

Zekaria 4:7

Piw osta, A venydh krev? A-rag Zerubbabel y fydhydh gwastattir. Ena ev a wra dri yn-mes an pennmen, hag i ow karma, “Ras! Ras dhodho!” ’

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Filippianys 3:1

Wor'tiwedh, ow breder, gwrewgh lowenhe y'n Arloedh. Dhymmo vy nyns yw dihedh skrifa an keth taklow dhywgh, mes dhywgh hwi sawder yw.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.