Salmow 31:7 - An Bibel Kernewek 20234 (Kernewek Kemmyn)

⁷ My a vydh heudhik ha lowenhe y'th tregeredh, rag ty re welas ow foenvos, hag aswonn ankenyow ow enev.

An Sowter 1997 2023

⁷ My a vydh heudhik ha lowenhe y'th tregeredh : rag ty re welas ow foenvos, hag aswonn ankenyow ow enev.

Salmow 31:7 ပူးပေါင်းရင်းမြစ်များ

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Job 10:9

Porth kov, ty dhe'm gul a bri; a vynnydh ow threylya dhe dhoust arta?

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Salmow 1:6

rag an Arloedh a aswonn fordh an re wiryon, mes fordh an debeles a dhe goll.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 119:153

Mir orth ow anken, ha gwra ow delivra, rag ny ankevis vy dha lagha.

Salmow 13:5

Mes my re drestyas y'th tregeredh; ow holonn a lowenha y'th selwyans.

Salmow 142:3

Pan glamderas ow spyrys a-bervedh ynnov ty a aswonnis ow hyns. Y'n fordh may kerdhyn i re gudhas maglenn er ow fynn.

Salmow 25:18

Mir orth ow anken ha'm poenvos, ha gav oll ow feghosow.

Salmow 71:20

Ty, neb re dhiskwedhas dhymm lies anken bras ha drog, a'm bewha arta; ha ty a'm dre yn-bann dhiworth downderyow an nor.

Salmow 9:13

Bydh grassyes orthiv, A Arloedh; mir orth ow anken, a wodhavav dhiworth an re a'm kas, ty neb a'm drehav dhiworth porthow ankow,

Salmow 90:14

Lanw ni y'n myttin a'th tregeredh, may kriyn yn lowen ha bos heudhik oll agan dydhyow.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 49:13

Kenewgh yn lowen, A nevow, ha kri gans joy, A norvys; kenewgh yn lowen, A venydhyow! Rag an Arloedh re gonfortyas y bobel, ha kemmeres truedh a'y voghosogyon.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Kynvannow 3:50

bys pan wra an Arloedh mires war-woeles, ha gweles dhiworth an nevow.

Kynvannow 5:1

Porth kov, A Arloedh, a'n pyth re goedhas dhyn; mir ha gweles agan meth.

1 Korinthianys 8:3

mes nebonan mar kar Duw, aswonnys ganso yth ywa.

Galatianys 4:9

mes y'n eur ma owth aswonn Duw, mes moy yn tevri aswonnys gans Duw, fatell esowgh ow treylya arta war-tu ha'n elvennow gwann hag ydhil, may fynnowgh bos arta kethyon dhedha avel kyns?

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’