Salmow 28:5 - An Bibel Kernewek 20234 (Kernewek Kemmyn)

⁵ Rag ny wrons vri a wriansow an Arloedh, na ober y dhiw­leuv, ev a's tewl dhe'n dor, ha ny's drehav.

An Sowter 1997 2023

⁵ Ro dhedha i herwydh ober aga diwleuv : attal dhedha aga gober gwiw.

Salmow 28:5 ပူးပေါင်းရင်းမြစ်များ

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

2 Samuel 7:27

‘Rag ty, A Arloedh an luyow, Duw Ysrael, re dhiskwedhsys hemma dhe'th was, ow leverel, “My a dhrehav chi ragos”; rakhenna dha was re gavas kolonnekter dhe bysi dhis an pysadow ma.

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

Salmow 10:5

Y fordhow a sewen pup-prys; yma dha vreusow a-vann, yn-mes a'y wel; ev a hwyth orth y eskerens oll.

Salmow 104:24

A Arloedh, ass yw lies dha wriansow! Yn furneth ty a's gwrug, i oll; an nor yw leun a'th kreaturs.

Salmow 8:3

Pan virav orth an nevow, ober dha vysies, an loer ha'n ster a wrussys aga fastya,

Ysay 22:11

Hwi a wrug kreun ynter an dhiw fos rag dowr an poll koth, mes ny virsowgh orth y Wrier na gweles neb a'n furvyas nans yw pell.

Ysay 40:26

Drehevewgh yn-bann agas dewlagas, ha gwelewgh: piw a wrug an re ma? Ev neb a dheg yn-mes aga lu, orth aga nivera, ha'ga gelwel pubonan orth hanow; der y nerth meur ha'y alloes krev ny fyll onan vyth.

Ysay 45:12

My yw neb a wrug an norvys, ha my a greatyas mab-den warnodho; ow diwla y feu a lesas an nevow, ha my a worhemmynnis aga luyow oll.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 45:8

Dinewewgh, A nevow, a-wartha, ha'n kommol, diverens ewnder; bedhes an dor igerys, ha deges selwyans avel frut, hag egines ewnder war-barth ganso. My, an Arloedh re'n kreatyas.

Ysay 5:12

Yma sowtri ha telynn, tabourik ha pibow, ha gwin yn aga gwledhow, mes ny virons orth gweyth an Arloedh, na gweles ober y dhiwla.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Hosea 14:9

Piw yw skentel? Re gonvettho an taklow ma. Piw yw doeth? Re's godhvo. Fordhow an Arloedh yw ewn, an re wiryon a gerdh ynna, mes drogoberoryon a drebuch ynna.

Niverow 23:23

Rag nyns eus dewinieth erbynn Yakob, na koel erbynn Ysrael. Lemmyn y fydh leverys a Yakob, hag a Ysrael, “Pandr'a wrug Duw!”

Yowann 12:37

Kyn hwrussa kemmys toknys a-ragdha, hwath ny gryssons ynno,

Romanyon 1:20

Rag y gnas na veu gwelys a-dhia greasyon an bys, hemm yw y alloes heb finweth ha'y dhuwsys, re beu gwelys yn tiblans der an taklow gwrys. Ytho heb askus yns;

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.