Salmow 27:6 - An Bibel Kernewek 20234 (Kernewek Kemmyn)

⁶ Ha lemmyn, ow fenn a vydh ughelhes a-ugh ow eskerens a-derdro; ha my a offrynn sakrifisow a lowena yn y skovva; my a gan, ha kana gormola dhe'n Arloedh.

An Sowter 1997 2023

⁶ Ha lemmyn, ow fenn a vydh ughelhes : a-ugh ow eskerens a-derdro.

Salmow 27:6 ပူးပေါင်းရင်းမြစ်များ

Salmow 3:3

Mes ty, A Arloedh, yw skoes a-dro dhymm, ow glori, neb a dhrehav ow fenn.

Ebrowyon 13:15

Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow.

Salmow 107:22

Ha gwrens i offrynna offrynnow grasyans, ha derivas y wriansow gans kanow lowena.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

2 Samuel 22:49

neb a'm delirv dhiworth ow eskerens, ha'm drehevel a-ugh an re a sev er ow fynn; ty a'm delirv dhiworth an gour garow.

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

Salmow 95:1

Dewgh, gwren ni kana yn lowen dhe'n Arloedh; gwren ni tros heudhik dhe garrek agan selwyans.

2 Samuel 7:9

ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur, kepar ha hanow brasyon an norvys.

Yeremia 31:7

Rag yndellma y lever an Arloedh: Kenewgh gans lowena rag Yakob, ha drehevewgh garmow rag chyf an kenedhlow; gwarnyewgh, gormelewgh, ha leverel, ‘A Arloedh, saw dha bobel, remenant Ysrael.’

Salmow 138:5

Hag i a gan a fordhow an Arloedh, rag meur yw golewder an Arloedh.

Salmow 110:7

Eva a wra mes a'n gover ryb an fordh; rakhenna ev a dhrehav y benn.

Salmow 81:1

Kenewgh yn lowen dhe Dhuw agan nerth; gwra tros heudhik dhe Dhuw Yakob.

Salmow 47:1

Takyewgh diwleuv, hwi boblow oll; kenewgh dhe Dhuw gans lev lowender.

Salmow 21:13

Bydh ughelhes, A Arloedh, y'th nerth! Ni a gan hag a wormel dha alloes.

Salmow 21:1

An myghtern a lowenha y'th nerth, A Arloedh; hag y'th selwyans, assa vydh ev heudhik!

1 Kroniklys 22:18

‘A nyns usi an Arloedh agas Duw genowgh? Hag ev re ros powes dhywgh a bub tenewen? Rag ev re dhelivras trigoryon an pow yn ow leuv, hag yma'n pow fethys a-rag an Arloedh ha'y bobel.

2 Myghternedh 25:27

Y'n seytegves blydhen warn ugens a dhivroedh Yehoyakin myghtern Yuda, y'n dewdhegves mis, y'n pympes dydh warn ugens a'n mis, Evil-merodak myghtern Babylon, y'n vlydhen may tallathas reynya, a livras myghtern Yehoyakin dhiworth prison;

2 Samuel 22:1

Davydh a gewsis geryow an gan ma dhe'n Arloedh y'n jydh ma'n selwis an Arloedh dhiworth leuv y eskerens oll, ha dhiworth leuv Sowl;

Jenesis 40:13

A-ji dhe drydydh y hwra Faro ughelhe dha benn ha'th worra arta y'th soedh; ha ty a vydh ow korra hanaf Faro yn y dhorn war-lergh an kynsa maner, pan es y hanafor.

Jenesis 40:20

Y'n tressa dydh, penn-bloedh Faro, ev a wrug kevewi rag oll y wesyon hag ughelhe penn chyf an hanaforyon ha penn chyf an beboryon yn mysk y wesyon,

Salmow 3:4

My a elwis war an Arloedh gans ow lev, hag ev a worthybis dhymm mes a'y venydh sans. Sela.

Salmow 57:8

Difun, ow gordhyans; difunewgh, telynn ha sowtri; my a dhifun orth dydh-tardh.

Salmow 119:108

Degemmer, A Arloedh, an offrynnow bolonjedhek a'm ganow, ha dysk dhymm dha vreusow.