Salmow 25:7 - An Bibel Kernewek 20234 (Kernewek Kemmyn)

⁷ Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

An Sowter 1997 2023

⁷ Da hag ewn yw an Arloedh : rakhenna ev a dhysk dhe beghadoryon y'n fordh.

Salmow 25:7 ပူးပေါင်းရင်းမြစ်များ

Job 13:26

Rag ty a skrif taklow hwerow er ow fynn, ha gul dhymm erita kammweythresow ow yowynkneth.

Job 20:11

Y eskern yw leun a'n nerth a yowynkneth mes henna a wrowedh ganso y'n doust.

Salmow 106:3

Gwynnvys an re a syns gwirvreus, hag a wra ewnder pup-prys.

Salmow 106:4

Porth kov ahanav, A Arloedh, herwydh dha ras orth dha bobel; deus dhymm gans dha selwyans;

Salmow 109:14

Bedhes kovadh kammweyth y dasow a-dherag an Arloedh, ha na vedhes pegh y vamm defendys dhe-ves.

Salmow 109:16

Drefenn na borthas kov a wul tregeredh, mes ev a helghyas an den truan ha'n boghosek rag may lattha an re trogh aga holonn.

Salmow 109:26

Gweres dhymm, A Arloedh ow Duw; salw vy herwydh dha dregeredh;

Salmow 119:124

Gwra dhe'th was herwydh dha dregeredh, ha dysk dhymm dha ordenansow.

Salmow 31:16

Gwra dhe'th fas golowi war dha was; salw vy a-barth dha dregeredh.

Salmow 51:1

Bydh grassyes orthiv, A Dhuw, herwydh dha dregeredh; herwydh dha druedh meur defend dhe-ves ow hammweythresow.

Salmow 6:4

Dehwel, A Arloedh, delirv ow enev; salw vy a-barth dha dregeredh.

Salmow 79:8

Na borth kov a gammweythresow agan hendasow; des dha druedh dhyn ni yn skon, rag gyllys pur isel on ni.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 48:11

A'm govis vy, a'm govis evy y'n gwrav, rag fatell vydhav defolys? Ha'm glori ny'n rov dhe arall.

Ysay 64:9

Na sorr dres eghenn, A Arloedh, ha na borth kov a anewnder bys vykken. Otta mir, ni oll yw dha bobel.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yowann 5:14

Wosa hemma, Yesu a'n kavas y'n tempel, hag a leveris dhodho, ‘Otta, ty yw yaghhes; na wra begha namoy, ma na hwarvo dhis neppyth gweth.’

Yowann 5:5

Hag yth esa ena unn den ha dhodho kleves etek blydhen warn ugens.

Ebrowyon 8:12

Rag my a vydh tregeredhus a'ga drogoberow, ha ny wrav perthi kov namoy a'ga feghosow.’