Salmow 25:2 - An Bibel Kernewek 20234 (Kernewek Kemmyn)

² Ow Duw, my a drest ynnos jy, na as vy dhe berthi meth; na vedhes ow eskerens heudhik a'm govis.

An Sowter 1997 2023

² Sur na berthes meth an re a drest ynnos jy : perthes meth an re a wra falsuri heb ken.

Salmow 25:2 ပူးပေါင်းရင်းမြစ်များ

2 Kroniklys 13:18

Yndella mebyon Ysrael o iselhes y'n termyn na, ha mebyon Yuda a dryghis, drefenn i dhe drestya y'n Arloedh, Duw aga thasow.

Salmow 13:5

Mes my re drestyas y'th tregeredh; ow holonn a lowenha y'th selwyans.

Salmow 142:6

Goslow dhe'm garm; rag yth ov vy dres pur isel. Gwra ow delivra dhiworth ow helghysi, rag kreffa yns i agesov.

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 22:1

Ow Duw, ow Duw, prag y'm gessys? Prag yth es'ta mar bell dhiworth ow selwyans, ha dhiworth geryow ow hynvann?

Salmow 22:5

I a grias warnas, ha delivrys vons; i a drestyas ynnos, ha ny vons toellys.

Salmow 22:8

‘Trest y'n Arloedh ma'n deliffro. Gwres ev y dhelivra, rag ev a'n jeves delit ynno.’

Salmow 31:1

Ynnos jy, A Arloedh, y hwilav skovva; na as vy nevra dhe berthi meth; gwra ow delivra y'th ewnder.

Salmow 31:15

Yma ow thermynyow y'th leuv jy; gwra ow delivra dhiworth leuv ow eskerens ha dhiworth ow helghysi.

Salmow 31:2

Pleg dha skovarn dhymm; gwra ow delivra yn uskis; bydh dhymm karrek grev, ha kastell dhe'm selwel.

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

Salmow 37:40

Ha'n Arloedh a weres dhedha, ha'ga difres; ev a's difres a'n debeles, ha'ga selwel, rag i a hwila skovva ynno.

Salmow 41:11

Gans hemma y hwonn vy, ty vos pes da ahanav, drefenn na arm ow eskar yn trygh warnav.

Salmow 56:1

Bydh grassyes orthiv, A Dhuw, rag den a vynn ow helghya; oll an jydh ev a omladh, orth ow gwaska.

Salmow 7:1

A Arloedh ow Duw, ynnos jy y hwilav skovva; saw vy dhiworth oll an re a'm helgh, ha gwra ow delivra,

Salmow 71:1

Ynnos jy, A Arloedh, y hwilav skovva; na as vy dhe berthi meth bynitha.

Salmow 91:2

My a lever dhe'n Arloedh, ‘Ow skovva, ha'm dinas; ow Duw a drestyav ynno.’

Salmow 94:3

A Arloedh, pygemmys prys y hwra an debeles, pygemmys prys y hwra an debeles tryghi?

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 37:10

‘Kewsewgh yndellma dhe Hezekia myghtern Yuda: Na wres dha Dhuw, a drestydh ynno dha doella, owth ambosa na vydh Yerusalem res yn leuv myghtern Assyria.

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ysay 37:35

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Yeremia 17:18

Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Romanyon 10:11

Rag an skryptor a lever, ‘Ny'n jevydh meth neb a grysso ynno.’

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

1 Peder 2:6

Rag skrifys yw y'n Skryptor, ‘Otta, my a worr yn Sion men, pennmen dewisys, drudh, ha neb a grys ynno ny'n jevydh meth.’