Salmow 24:1 - An Bibel Kernewek 20234 (Kernewek Kemmyn)

¹ Dhe'n Arloedh yma an nor ha myns eus ynno, an norvys, ha'n re usi trigys ynno.

An Sowter 1997 2023

¹ Dhe'n Arloedh yma an nor ha myns eus ynno : an norvys, ha'n re usi trigys ynno.

Salmow 24:1 ပူးပေါင်းရင်းမြစ်များ

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

1 Kroniklys 29:16

A Arloedh agan Duw, oll an palster ma a wrussyn y dharbari dhe dhrehevel chi dhis, a-barth dha hanow sans, a dheu dhiworth dha leuv jy, ha dhiso jy yw an taklow oll.

2 Kroniklys 25:9

Amasia a leveris dhe wour Duw, ‘Mes pandr'a wrav a-dro dhe'n kans talent re res vy dhe lu Ysrael?’ Gour Duw a worthybis, ‘An Arloedh a yll ri dhis moy ages hemma.’

Job 34:13

Piw a'n settyas war an norvys? Piw a ros dhodho charj war an bys oll?

Job 41:11

Piw a yll omsettya orthiv ma'th attylliv dhodho? Denvyth yn-dann an nev oll.

Job 41:3

A wra ev lies aspysadow dhis? A gews ev orthis gans geryow medhel?

Salmow 50:10

Rag dhymmo vy yma pub best a'n koes, an chatel war vil venydh.

Salmow 50:12

Mar porthen vy nown, ny lavarsen dhis, rag dhymmo vy yma oll an nor ha pup-tra eus ynno.

Salmow 89:11

Yma an nevow dhiso jy, yma an nor ynwedh dhiso jy; an norvys ha pup-tra eus ynno, ty re's selyas.

Salmow 89:12

An kledh ha'n dyghow, ty re's formyas; Tabor ha Hermon a gri yn lowen y'th hanow.

Salmow 98:7

Tarennes an mor ha myns eus ynno; an norvys ha myns eus trigys ynno.

Eksodus 19:5

Lemmyn ytho, mars owgh gostydh dhe'm lev ha gwitha ow hevambos, hwi a vydh ow ferghennogeth arbennik ow honan yn mysk poblow oll; rag oll an nor yw dhymm,

Eksodus 9:29

Moyses a leveris dhodho, ‘Kettell av vy a'n sita, my a wra ystynn ow diwla dhe'n Arloedh; hedhi a wra an taran, ha ny vydh namoy keser, may hwodhvi bos an nor dhe'n Arloedh.

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Nahum 1:5

An menydhyow a dhegren a-ragdho, ha'n bronnow a deudh: an dor yw difeythys a-ragdho, an norvys ha myns eus trigys ynno.

1 Korinthianys 10:26

rag ‘dhe'n Arloedh yw an nor, ha pup-tra eus ynno.’

Dewteronomi 10:14

Otta, an nev ha nev an nevow yw dhe'n Arloedh dha Dhuw, an norvys ha pup-tra eus ynno.