Salmow 22:7 - An Bibel Kernewek 20234 (Kernewek Kemmyn)

⁷ Seul a'm gwel a wra ges ahanav, i a gamm aga min ha shakya an penn.

An Sowter 1997 2023

⁷ Seul a'm gwel a wra ges ahanav : i a gamm aga min ha shakya an penn.

Salmow 22:7 ပူးပေါင်းရင်းမြစ်များ

Mark 15:29

Ha'n dremenysi a'n kablas, ow shakya aga fenn, hag ow leverel, ‘Aha! ty, neb a dhistru an tempel hag a'n drehav kyns penn trydydh,

Salmow 109:25

My a dheuth ha bos skorn dhedha; pan y'm gwelsons, i a shakyas aga fenn.

Luk 23:11

Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat.

Mark 15:20

Ha wosa i dh'y skornya, i a dhi'skas an purpur dhiworto ha'y wiska yn y dhillas y honan. Hag i a'n dug yn-mes rag y growsya.

Matthew 27:29

hag a blethas kurun a spern ha'y gorra war y benn ha korsenn yn y leuv dhyghow, hag ow koedha war benn-dewlin a-dheragdho, i a wrug ges anodho ow leverel, ‘Hayl, Myghtern an Yedhewon!’

Salmow 44:14

Ty a'gan gwra ensampel yn mysk an kenedhlow, ha gul dhe'n poblow shakya an penn orthyn.

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Matthew 9:24

ev a leveris, ‘Omdennewgh; rag nyns yw an vowes marow mes ow koska yma hi.’ Hag i a wrug ges anodho.

Ysay 57:4

Piw y hwredh ges anodho? Piw yth igerydh dha vin er y bynn ha gorra dha daves mes? A nyns owgh hwi fleghes a gammweythres, has a wowegneth?

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Salmow 31:18

Bedhes avlavar an gweusyow gowek, neb a lever erbynn an re wiryon yn howtyn, gans goeth ha despit.

Job 16:10

Tus re lagattas orthiv, igerys aga ganow; i re'm gweskis orth ow bogh yn unn skornya; i re omguntellas war-barth er ow fynn.

Job 16:4

My ynwedh a allsa kewsel kepar dell wrewgh, mar pewgh y'm tyller vy. My a allsa junya geryow war-barth er agas pynn, ha shakya ow fenn orthowgh.

Job 12:4

Skornys ov gans ow howetha; kyn helwis war Dhuw hag ev a worthybis, den skornys ov, ewn ha divlam.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’