Salmow 22:16 - An Bibel Kernewek 20234 (Kernewek Kemmyn)

¹⁶ Rag keun re dheuth a-dro dhymm; kuntelles an debeles re'm keas; i re wanas ow diwleuv ha'm treys.

An Sowter 1997 2023

¹⁶ Rag keun re dheuth a-dro dhymm : kuntelles an debeles re'm keas; i re wanas ow diwleuv ha'm treys.

Salmow 22:16 ပူးပေါင်းရင်းမြစ်များ

Salmow 22:1

Ow Duw, ow Duw, prag y'm gessys? Prag yth es'ta mar bell dhiworth ow selwyans, ha dhiworth geryow ow hynvann?

Salmow 22:20

Delirv ow enev dhiworth an kledha, ow bewnans dhiworth maystri an ki.

Salmow 38:11

Ow haroryon ha'm kowetha a gildenn dhiworth ow fla, ha'm neshevin a sev a-bell.

Salmow 59:14

Hag y'n gorthugher i a dhehwel; i a dheskern avel ki ha poenya a-dro y'n sita.

Salmow 59:6

I a dhehwel y'n gorthugher, i a dheskern avel ki ha poenya a-dro y'n sita.

Salmow 86:14

A Dhuw, an re woethus re sevis er ow fynn, ha kuntellesow an dus fell re hwilas ow enev, ha ny'th worrsons a-dheragdha.

Ysay 53:5

Mes rag agan kammweythresow y feu ev goliys, brewys rag agan peghosow; ev a borthas an geredh a dhre dhyn kres, ha gans y strokosow sawys on.

Yeremia 12:6

Rag hwath dha vreder, ha chi dha das, i ynwedh, re'th traytas; i ynwedh re dhrehevis kri ughel war dha lergh: na goel dhedha kyn kewsons geryow teg dhis.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Matthew 26:57

An re a dhalghennas Yesu a'n dug dhe Kayfas an arghoferyas yn tyller may feu kuntellys war-barth an skribys ha'n henavogyon.

Matthew 27:35

Ha pan y'n krowssons i a rannas y dhillas ow tewlel prenn.

Matthew 7:6

Na rewgh dhe'n keun an pyth yw sans, ha na dewlewgh agas perlys a-rag mogh, rag own i dh'aga threttya yn-dann dreys ha treylya dh'agas skwardya hwi.

Mark 15:24

Hag i a'n krowsyas, ha ranna y dhillas, ow tewlel prenn warnedha, pandr'a gemmerra pubonan.

Luk 23:23

Mes i a ynnias gans garmow ughel, ow kovynn may fe krowsys, ha'ga garmow a brevaylyas.

Luk 23:33

Ha pan dheuthons dhe'n tyller henwys An Grogen, i a growsyas Yesu ena, ha'n dhrogoberoryon, an eyl a-dhyghow ha'y gila a-gledh.

Yowann 19:23

Ena an soudoryon, pan wrussens krowsya Yesu, a gemmeras y dhillas ha gul peder rann, dhe bub souder rann, hag ynwedh an bows. Mes an bows o heb gwri, gwiys a'n gwartha yn unn darn.

Yowann 19:34

Mes onan a'n soudoryon a wanas y denewen gans guw, ha desempis y teuth yn-mes goes ha dowr.

Yowann 19:37

Hag arta skryptor arall a lever, ‘I a vir warnodho neb a wansons.’

Yowann 20:25

Ytho an dhyskyblon erell a leveris dhodho, ‘Ni re welas an Arloedh.’ Mes yn-medh ev dhedha, ‘Marnas my a wel yn y dhiwleuv merk an kentrow, ha dri ow bys yn merk an kentrow ha dri ow leuv yn y denewen, ny wrav vy krysi.’

Yowann 20:27

Ena yn-medh ev dhe Tommas, ‘Doro dha vys omma ha gwel ow diwleuv; ha doro dha leuv ha'y gorra y'm tenewen, ha na vydh diskryjyk, mes kryjyk.’

Filippianys 3:2

Bedhewgh war a'n keun, bedhewgh war a'n dhrogoberoryon, bedhewgh war a'n fals tregh,

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.