Salmow 147:6 - An Bibel Kernewek 20234 (Kernewek Kemmyn)

⁶ An Arloedh a skoedh an re hwar, hag a iselha an debeles dhe'n leur.

An Sowter 1997 2023

⁶ An Arloedh a skoedh an re hwar : hag a iselha an debeles dhe'n leur.

Salmow 147:6 ပူးပေါင်းရင်းမြစ်များ

Salmow 145:14

An Arloedh a skoedh oll an re yw koedhys, hag ev a dhrehav oll an re yw plegys dhe'n dor.

Salmow 149:4

Rag an Arloedh a gemmer plesour yn y bobel; ev a afin an re hwar gans selwyans.

Salmow 25:9

Ev a hembronk an re uvel yn gwirvreus, hag ev a dhysk y fordh dhe'n voghosogyon.

Salmow 37:11

Mes an re hwar a erit an tir, hag i a gemmer plesour yn kres leun.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 55:23

Mes ty, A Arloedh, a's gorr yn-nans dhe doll an pytt; ny vew tus woesek ha fals moy ages hanter aga dydhyow; byttegyns my a drest ynnos jy.

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Malaki 4:3

Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

Matthew 5:5

‘Gwynn aga bys an re yw klor, rag i a erit an norvys.

Jamys 4:10

Omuvelhewgh a-dherag an Arloedh, hag ev a wra agas ughelhe.

1 Peder 3:4

mes bedhes gnas kudhys an golonn, gans afinans na yll pedri a spyrys kosel ha klor, yw meur y bris a-dherag Duw.

1 Peder 5:6

Omuvelhewgh ytho yn-dann leuv alloesek Duw, rag ma'gas ughelhaho y'n termyn gwiw,

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.