Salmow 147:13 - An Bibel Kernewek 20234 (Kernewek Kemmyn)

¹³ Rag ev re grevhas barrys dha borthow; ev re vennigas dha fleghes a-bervedh ynnos.

An Sowter 1997 2023

¹³ Rag ev re grevhas barrys dha borthow : ev re vennigas dha fleghes a-berth ynnos.

Salmow 147:13 ပူးပေါင်းရင်းမြစ်များ

Salmow 144:12

Re deffo agan mebyon avel plansow yn aga yowynkneth, ha'gan myrghes avel pennmeyn kervys kepar hag yn palas.

Salmow 125:2

Kepar dell sev an menydhyow a-dro dhe Yerusalem, yn kettella y sev an Arloedh a-dro dh'y bobel, alemma rag ha bys vykken.

Nehemia 12:30

Ha'n oferysi ha'n Levysi a omlanhas aga honan; hag i a lanhas an bobel ha'n yetow ha'n fos.

Nehemia 7:1

Wosa an fos dhe vos dastrehevys ha my dhee settya yn-bann an darasow, an borthoryon ha'n ganoryon ha'n Levysi a veu apoyntys.

Kynvannow 4:12

Ny wrug myghternedh an nor krysi, na trigoryon vyth a'n norvys y to eskar hag envi bys yn porthow Yerusalem.

Salmow 51:18

Gwra da yn dha favour orth Sion; drehav fosow Yerusalem.

Nehemia 7:3

Yn-medhav dhedha, ‘Na vedhes yetow Yerusalem igerys bys pan vo toemm an howl; ha gesewgh an borthoryon dhe dhegea an darasow ha'ga frenna, hag i hwath ow sevel ena. Hag apoyntyewgh gwithysi dhiworth annedhysi Yerusalem, peub dh'y woelva ha peub a-dal y ji y honan.’

Nehemia 6:1

Pan veu derivys dhe Sanballat ha Tobia ha Geshem an Arab ha remenant agan eskerens y tastrehavsen vy an fos ha nag esa torrva vyth gesys ynni (kyn na settsen vy an darasow yn-bann y'n yetow y'n eur na),

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Yeremia 33:10

Yndellma y lever an Arloedh: Y'n tyller ma may leverowgh, ‘Ynyal yw heb den na best’, yn sitys Yuda hag yn stretow Yerusalem hag yw ynyal, heb den, ha heb annedhyas, ha heb best, y fydh klewys unnweyth arta

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.