Salmow 145:1 - An Bibel Kernewek 20234 (Kernewek Kemmyn)

¹ My a'th ughelha, A Dhuw an Myghtern, ha my a vennik dha hanow bys vykken ha bynnari.

An Sowter 1997 2023

¹ My a'th ughelha, A Dhuw, an Myghtern : ha my a vennik dha Hanow bys vykken ha bynnari.

Salmow 145:1 ပူးပေါင်းရင်းမြစ်များ

1 Kroniklys 29:13

Ha lemmyn, agan Duw, ni a woer gras dhis ha ni a wormel dha hanow gloryus.

Salmow 100:1

Gwrewgh tros heudhik dhe'n Arloedh, oll an nor.

Salmow 118:28

Ty yw ow Duw, ha my a ras dhis; ty yw ow Duw ha my a'th ughelha.

Salmow 145:21

Ow ganow a lever gormola an Arloedh, ha gwres pub kig benniga y hanow sans bys vykken ha bynnari.

Salmow 146:2

Hedre vewiv y hwormolav an Arloedh; my a gan gormola dhe'm Duw ha my hwath yn bosva.

Salmow 149:2

Gwres Ysrael lowenhe yn y Wrier; bedhes mebyon Sion heudhik yn aga Myghtern.

Salmow 30:1

My a'th ughelha, A Arloedh, rag ty re'm drehevis, ha ny essys ow eskerens dhe lowenhe a'm govis.

Salmow 30:12

Rakhenna ow enev a gan gormola ha ny dew. A Arloedh ow Duw, my a'th wormel bys vykken.

Salmow 30:2

A Arloedh ow Duw, my a grias warnas, ha ty re'm yaghhas.

Salmow 34:1

My a vennik an Arloedh pup-prys; y wormola a vydh prest y'm ganow.

Salmow 44:4

Ty yw ow Myghtern, A Dhuw; gorhemmynn budhogoleth dhe Yakob.

Salmow 45:1

Yma awen y'm kolonn ow tyghtya kan fin; my a gan ow ober gwrys rag an Myghtern; ow thaves yw pluvenn dhe skriba skentel.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Salmow 5:2

Goslow orth lev ow kri, ow Myghtern, ha'm Duw, rag dhiso jy y pysav.

Salmow 5:3

A Arloedh, y'n myttin ty a glew ow lev; y'n myttin my a orden ow fysadow orthis, ha goelyas.

Salmow 52:9

My a'th wormel bynitha, rag ty dhe wul hemma, ha fydhya a wrav y'th hanow, rag da yw, a-wel dhe'th syns.

Salmow 68:4

Kenewgh dhe Dhuw, kenewgh gormola dh'y hanow ev; drehevewgh kan dhe neb a varghok war an nevow; an Arloedh yw y hanow; bedhewgh heudhik a-dheragdho.

Salmow 75:9

Mes my a'n deriv bynitha, ha kana gormola dhe Dhuw Yakob.

Salmow 95:3

Rag an Arloedh yw Duw meur, ha Myghtern meur dres oll duwow.

Salmow 96:2

Kenewgh dhe'n Arloedh, bennigewgh y hanow; diskwedhewgh y selwyans a dhydh dhe dhydh.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 38:20

An Arloedh a'm saw, ha ni a gan gans daffar kerdyn oll dydhyow agan bewnans yn chi an Arloedh.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.