Salmow 14:4 - An Bibel Kernewek 20234 (Kernewek Kemmyn)

⁴ A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

An Sowter 1997 2023

⁴ Pubonan re dreylyas a-denewen, legrys yns i war-barth : nyns eus denvyth a wrello dader, nyns eus nagonan.

Salmow 14:4 ပူးပေါင်းရင်းမြစ်များ

Job 21:15

Pyth yw an Ollgalloesek may koedh dhyn y servya? ha py budh a vydh dhyn mar pysyn dhodho?”

Job 27:10

A wra ev kavoes delit y'n Ollgalloesek? A wra ev pysi Duw pup-prys?

Salmow 27:2

Pan dheuth an dhrogoberoryon y'm ogas dhe dhybri ow hig, ow eskerens ha'm envi, i a drebuchyas ha koedha.

Salmow 79:6

Dyllo dha gonnar war an kenedhlow na'th aswonnis, ha war an gwlaskordhow na elwis war dha hanow.

Salmow 82:5

Ny wodhons ha ny gonvedhons, mes i a gerdh yn-rag yn tewolgow; oll selyow an nor a gren.

Lavarow Koth 30:14

Yma re, mayth yw aga dyns kledhedhyow, hag avel kellylli yw aga diwen dhe dhybri an voghosogyon a-dhiwar an norvys, an edhommogyon dhiworth mab-den.

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 5:13

Rakhenna ow fobel a yn divroedh rag fowt a skians; hy gwer nobyl a verow dre dhivoetter, ha'y routh dre syghes.

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Yeremia 10:25

Dinew dha gonnar war an kenedhlow na'th aswonnons, ha war an teyluyow na elow war dha hanow: rag i re dhevoryas Yakob; i re'n devoryas ha'y gowldhybri, ha gul dh'y annedh bos ynyal.

Hosea 7:7

I oll yw mar doemm avel forn, hag i a dhevoryas aga breusydhyon. Oll aga myghternedh re goedhas, ha ny wra nagonan anedha gelwel warnav.

Amos 8:4

Klewewgh hemma, hwi neb a stank war an edhommek ha diswul boghosogyon an tir,

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Galatianys 5:15

Mar kwrewgh bratha ha lenki an eyl y gila bedhewgh war ma na vowgh konsumys an eyl gans y gila.