Salmow 138:7 - An Bibel Kernewek 20234 (Kernewek Kemmyn)

⁷ Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

An Sowter 1997 2023

⁷ Kyn kerdhav yn kres anken, ty a with ow bewnans : ty a ystynn dha leuv erbynn sorr ow eskerens, ha'th leuv dhyghow a'm saw.

Salmow 138:7 ပူးပေါင်းရင်းမြစ်များ

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Salmow 85:6

A ny dreylydh ha'gan bewhe ni arta, rag may lowenhaho dha bobel ynnos?

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Job 13:15

Kyn hwra ev ow ladha; yma govenek dhymm; byttegyns my a dhefend ow fordhow a-rag y fas.

Yeremia 51:25

Otta, yth esov er dha bynn, A venydh a dhistruyans, yn-medh an Arloedh, a dhistru oll an nor; my a ystynn ow leuv er dha bynn ha dha dhraylya dhe'n leur a'n klegeryow, ha gul dhis bos menydh leskys.

Salmow 60:5

Rag may fo dha garadowyon delivrys, salw dre dha leuv dhyghow, ha klew vy.

Salmow 17:7

Diskwa marthusyon dha dregeredh, ty neb a selow dre dha leuv dhyghow an re a hwila skovva dhiworth an re a sev er aga fynn.

Salmow 77:10

Ha my a leveris, ‘Hemm yw duwon dymm, leuv dhyghow an Ughella dhe vos treylys.’

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Salmow 18:35

Ha ty re ros dhymm skoes dha selwyans, dha leuv dhyghow a'm menten, ha'th weres re'm meurhas.

Salmow 56:9

Ena y treyl ow eskerens war-dhelergh y'n jydh may halwav. Hemma a wonn; rag yma Duw genev.

Salmow 20:6

Lemmyn my a woer an Arloedh dhe selwel y Untys; ev a worthyp dhodho dhiworth nevow y sansoleth y'n nerth a selwyans y leuv dhyghow.

Ysay 9:21

Manasse erbynn Efraym, hag Efraym erbynn Manasse; war-barth y fydhons erbynn Yuda. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 57:16

Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.

Salmow 18:17

Ev a'm delivras dhiworth ow eskar galloesek, ha dhiworth an re a'm kas; rag yth ens i re grev ragov.

Salmow 18:18

I a dheuth er ow fynn yn dydh ow therroesa; mes an Arloedh re beu skoedhyans dhymm.