Salmow 132:9 - An Bibel Kernewek 20234 (Kernewek Kemmyn)

⁹ Bedhes dha oferysi gwiskys yn ewnder, ha gwres dha syns garma yn lowen.

An Sowter 1997 2023

⁹ Bedhes dha oferysi gwiskys yn ewnder : ha gwres dha syns garma yn lowen.

Salmow 132:9 ပူးပေါင်းရင်းမြစ်များ

Job 29:14

My a omwiska yn gwirvreus hag ev a'm gwiska; ow gwirvreus o avel pows ha tulyfant.

Diskwedhyans 19:8

Ha res veu dhedhi hi bos gwiskys yn sendal, splann ha pur’ – rag an sendal yw oberow gwiryon an syns.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Salmow 132:16

Hy oferysi a wiskav gans selwyans, ha'y syns a arm gans lowena.

Salmow 104:1

Bennik an Arloedh, ow enev. A Arloedh ow Duw, pur veur osta. Gwiskys osta yn enor ha splannder,

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Sefania 3:14

Kan yn lowen, a vyrgh Sion; kri gans joy, a Ysrael; bydh lowen ha fest heudhik a leun golonn, a vyrgh Yerusalem.

Ysay 65:14

Otta, ow servysi a gan gans lowender kolonn, mes hwi a gri yn angoes a'gas kolonn, hag oulya, trogh an spyrys.

Salmow 149:5

Lowenhes an syns gans gordhyans; gwrens i garma yn lowen war aga gweliow.

Salmow 70:4

Lowenhes kemmys a'th hwila ha bedhens i heudhik ynnos jy; ha seul a gar dha selwyans prest leverens, ‘Bedhes Duw meurhes.’

Salmow 68:3

Mes lowenhes an re wiryon; bedhens heudhik a-dherag Duw; ha bedhens leun a joy.

Salmow 47:1

Takyewgh diwleuv, hwi boblow oll; kenewgh dhe Dhuw gans lev lowender.

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.

2 Kroniklys 6:41

Lemmyn yn-bann, A Arloedh Duw, dhe'th powesva ty hag argh dha nerth. Bedhes dha oferysi, A Arloedh Duw, gwiskys gans selwyans, ha lowenhes dha syns y'th tader.