Salmow 132:5 - An Bibel Kernewek 20234 (Kernewek Kemmyn)

⁵ erna gyffiv tyller dhe'n Arloedh, trigva dhe Dhuw galloesek Yakob.’

An Sowter 1997 2023

⁵ Erna gyffiv tyller dhe'n Arloedh : trigva dhe Dhuw galloesek Yakob.’

Salmow 132:5 ပူးပေါင်းရင်းမြစ်များ

2 Samuel 6:17

I a dhros argh an Arloedh a-ji, ha'y settya yn hy le, yn kres an tylda re dhrehavsa Davydh rygdhi; ha Davydh a offrynnas offrynnow leskys hag offrynnow kres dherag an Arloedh.

2 Samuel 7:1

Lemmyn pan esa an myghtern trigys yn y ji, ha'n Arloedh re rosa dhodho powes dhiworth oll y eskerens a-derdro,

1 Myghternedh 8:17

Hag yth esa yn brys ow thas Davydh drehevel chi rag hanow an Arloedh, Duw Ysrael.

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

1 Kroniklys 15:12

ha leverel dhedha, ‘Hwi yw pennow teyluyow an Levysi; sakrewgh agas honan, hwi ha'gas breder, may tryllowgh yn-bann argh an Arloedh, Duw Ysrael, dhe'n tyller re dharbaris vy dhedhi.

1 Kroniklys 15:3

Davydh a guntellas oll Ysrael yn Yerusalem dhe dhoen argh an Arloedh yn-bann dh'y thyller re dharbarsa ev dhedhi.

1 Kroniklys 22:7

Davydh a leveris dhe Solomon, ‘Ow mab, yth esa y'm brys drehevel chi rag hanow an Arloedh, ow Duw.

1 Kroniklys 28:2

Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

2 Kroniklys 2:6

Mes piw a yll drehevel chi ragdho, a-ban na yll an ughella nev y synsi? Piw ov vy bys may trehavav chi ragdho, marnas y vos avel tyller dhe leski offrynnow a-ragdho?

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.