Salmow 122:4 - An Bibel Kernewek 20234 (Kernewek Kemmyn)

⁴ Ha bys dhodho yth yskynn an loethow, loethow an Arloedh, dustuni dhe Ysrael, dhe wodhvos gras dhe hanow an Arloedh.

An Sowter 1997 2023

⁴ Ha bys dhodho yth yskynn an loethow, loethow an Arloedh : dustuni dhe Ysrael, dhe wodhvos gras dhe Hanow an Arloedh.

Salmow 122:4 ပူးပေါင်းရင်းမြစ်များ

Dewteronomi 16:16

Teyrgweyth y'n vlydhen pub gorreydh ahanowgh a vydh gwelys a-rag an Arloedh dha Dhuw y'n tyller a wra y dhewis: yn goel an bara heb goell, yn dy'goel an seythunyow, hag yn goel an skovvaow; ha ny vydh gwelys a-rag an Arloedh gwag y leuv.

Salmow 132:13

Rag an Arloedh re dhewisas Sion, ev re yeunis war hy lergh dhe vos trigva dhodho:

Eksodus 23:17

Teyrgweyth y'n vlydhen oll dha re worow a wra omdhiskwedhes a-rag an Arloedh Duw.

Salmow 118:19

Igor dhymm an porthow a ewnder, yth av a-ji dhedha ha grassa dhe'n Arloedh.

Salmow 78:68

Mes ev a dhewisas loeth Yuda, menydh Sion, a gara.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Eksodus 32:15

Ha Moyses a dreylyas ha diyskynna a'n menydh gans diw leghenn an dustuni yn y dhorn, leghennow a veu skrifys war an dhew du; war an eyl tu ha war y gila y fons skrifys.

Eksodus 16:34

Par dell worhemmynnis an Arloedh dhe Moyses, yndellma Aron a'n settyas a-rag an dustuni, dhe vos gwithys.

Salmow 81:6

‘My a dhifresas y skoedh a'n begh; y dhiwleuv a veu delivrys dhiworth an ganstell.

Salmow 100:4

Ewgh yn y borthow gans grasyans, hag yn y glosyow gans gormola. Godhvydhewgh gras dhodho, ha bennigewgh y hanow.