Salmow 121:5 - An Bibel Kernewek 20234 (Kernewek Kemmyn)

⁵ An Arloedh yw dha withyas; an Arloedh yw dha skeus orth dha leuv dhyghow.

An Sowter 1997 2023

⁵ An Arloedh yw dha withyas : an Arloedh yw dha skeus orth dha leuv dhyghow.

Salmow 121:5 ပူးပေါင်းရင်းမြစ်များ

Salmow 109:31

Rag ev a sev orth leuv dhyghow an boghosek, dh'y sawya a'n re a helgh y enev.

Salmow 16:8

My re worras an Arloedh prest a-dheragov; drefenn y vos ev a'm leuv dhyghow, ny drebuchyav.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Eksodus 13:21

Ha'n Arloedh eth a-dheragdha dydhweyth yn koloven a gommol dh'aga hembronk war an hyns, ha nosweyth yn koloven a dan dhe ri golow dhedha, may hallens mones dydh ha nos;

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.