Salmow 119:96 - An Bibel Kernewek 20234 (Kernewek Kemmyn)

⁹⁶ My re welas bos finweth dhe bub perfydhder, mes dha worhemmynn yw efan dres eghenn.

An Sowter 1997 2023

⁹⁶ My re welas bos finwedh dhe bub perfydhder : mes dha worhemmynn yw efan dres eghenn.

Salmow 119:96 ပူးပေါင်းရင်းမြစ်များ

2 Samuel 14:25

Mes yn oll Ysrael nyns esa denvyth moy kanmelys rag y dekter ages Absalom; dhiworth godhen y droes bys yn gwartha y benn nyns esa namm vyth ynno.

2 Samuel 16:23

Lemmyn y'n dydhyow na kusul Ahithofel o par dell wovynnir orth Duw; yndella yth o oll kusul Ahithofel gans Davydh ha gans Absalom.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Samuel 18:14

Ena yn-medh Yoab, ‘Ny vynnav gortos yndellma genes.’ Hag ev a gemmeras tri guw yn y dhorn, ha'ga fokya dre golonn Absalom, hag ev hwath yn few y'n derebinthenn.

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

Ekklesiastes 12:8

Euveredh a euveredh, yn-medh an Pregowther, pup-tra yw euveredh.

Ekklesiastes 2:11

Ha my a viras orth pup-tra re wrug ow diwleuv, ha'n lavur a wrug vy dhe oberi, hag otta, pup-tra yw euveredh ha chasya war-lergh an gwyns, ha nyns eus gwayn yn-dann an howl.

Ekklesiastes 7:20

Rag nyns eus den gwiryon y'n norvys a wra dader ha ny begh mann.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Matthew 5:18

Rag yn hwir my a lever dhywgh, bys pan dremenno nev ha nor, ny dremen unn jet na banna dhiworth an lagha erna vo kowlwrys pup-tra oll.

Matthew 5:28

Mes my a lever dhywgh, Neb a vir orth benyn gans drokhwans re wrug avoutri seulabrys gensi yn y golonn.

Romanyon 7:14

Rag ni a woer an lagha dhe vos a'n spyrys; mes a'n kig ov, gwerthys yn keth dhe begh.

1 Samuel 17:8

Ev a sevis ha garma dhe luyow Ysrael, ha leverel dhedha, ‘Prag y teuvewgh yn-mes dhe araya agas honan rag kas? A nyns ov vy Filistyas, hag a nyns owgh hwi gwesyon Sowl? Dewisewgh gour ragowgh agas honan, ha gesewgh ev dhe dhos yn-nans dhymm.

1 Samuel 9:2

Y feu dhodho mab, Sowl y hanow, neb o yonker teg. Nyns esa gour yn mysk mebyon Ysrael tekka agesso; a-dhiworth y dhiwskoedh hag yn-bann ev o hirra ages oll an bobel.