Salmow 119:9 - An Bibel Kernewek 20234 (Kernewek Kemmyn)

⁹ Fatell wra den yowynk glanhe y hyns? Owth omwitha herwydh dha er.

An Sowter 1997 2023

⁹ Fatell wra den yowynk glanhe y hyns : owth omwitha herwydh dha er.

Salmow 119:9 ပူးပေါင်းရင်းမြစ်များ

2 Kroniklys 6:16

Ha lemmyn, A Arloedh, Duw Ysrael, gwith an ambos dhe'm tas Davydh, pan leversys, “Ny fyll dhis gour a-dhiworthiv dhe esedha war dron Ysrael, unnweyth mar kwittha dha vebyon aga fordh, dhe gerdhes yn ow lagha par dell re gerdhsys a-ragov.”

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Job 13:26

Rag ty a skrif taklow hwerow er ow fynn, ha gul dhymm erita kammweythresow ow yowynkneth.

Salmow 119:11

Dha lavarow re gudhis y'm kolonn, ma na begghiv er dha bynn.

Salmow 17:4

A-dro dhe oberow den, herwydh geryow dha dhiwweus, my re omwithas rag hynsyow an den garow.

Salmow 25:7

Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

Salmow 34:11

Dewgh, hwi fleghes, goslowewgh orthiv; my a dhysk dhywgh own an Arloedh.

Lavarow Koth 1:10

Ow mab, mar kwra peghadoryon dha dhynya, na wra assentya.

Lavarow Koth 1:4

rag may roller felder dhe'n re sempel, godhvos ha doethter dhe'n gour yowynk

Lavarow Koth 2:11

Doethter a with warnas; konvedhes a wra dha witha,

Lavarow Koth 4:1

Klewewgh, a vebyon, dyskans tas, ha goslowewgh may kyffowgh konvedhes.

Lavarow Koth 7:7

ha my a welas ynter an re sempel, hag aspia ynter an wer yowynk gour yowynk diboell,

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Luk 15:13

Ha nebes dydhyow a-wosa, an mab yowynka a guntellas pup-tra war-barth ha mos yn hyns bys yn bro bell, hag ena ev a skoellyas y substans, ow pewa lows.

Yowann 15:3

Hwi yw glan seulabrys, drefenn an ger a gewsis dhywgh.

Dewteronomi 17:18

Pan vydh esedhys war dron y ruvaneth, ev a skrif ragdho y honan dasskrif a'n lagha ma war lyver, dhiworth an lyver usi dhe'n oferysi leviek.

2 Timothi 2:22

Gwra goheles ytho an drokhwansow a yowynkneth, mes siw ewnder, fydh, kerensa, kres gans an re a elow war an Arloedh yn-mes a golonn lan.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.