Salmow 119:28 - An Bibel Kernewek 20234 (Kernewek Kemmyn)

²⁸ Yma ow enev ow teudhi dre voredh; krevha vy herwydh dha er.

An Sowter 1997 2023

²⁸ Yma ow enev ow teudhi dre voredh : krevha vy herwydh dha er.

Salmow 119:28 ပူးပေါင်းရင်းမြစ်များ

Salmow 107:26

I a yskynnas dhe'n nevow, ha diyskynna dhe'n downderyow; aga enev a deudhis drefenn poenvotter;

Salmow 20:2

Re dhannvonno ev gweres dhis dhiworth an sentri, ha'th krevhe jy dhiworth Sion!

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 29:11

An Arloedh a re nerth dh'y bobel; an Arloedh a vennik y bobel gans kres.

Ysay 40:29

Ev a re nerth dhe'n re wann, ha dhe neb na'n jeves galloes ev a voghha nerth.

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Dewteronomi 33:25

Horn ha brons yw dha ebilyer; herwydh dha dhydhyow, yndella y fydh dha nerth.

Filippianys 4:13

My a yll gul pup-tra dredho ev neb a re dhymm nerth.

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.

Yoshua 2:24

Yn-medhons dhe Yoshua, ‘Yn hwir an Arloedh re ros yn agan diwla oll an tir; hag oll annedhysi an tir re deudhis yn own a-dheragon.’

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.