Salmow 119:120 - An Bibel Kernewek 20234 (Kernewek Kemmyn)

¹²⁰ Ow hig a gren rag own ahanas, ha my a berth own a'th vreusow.

An Sowter 1997 2023

¹²⁰ Ow hig a gren rag own ahanas : my a berth own a'th vreusow.

Salmow 119:120 ပူးပေါင်းရင်းမြစ်များ

2 Myghternedh 22:11

Pan glewas an myghtern geryow lyver an lagha, ev a skwardyas y dhillas.

1 Kroniklys 24:30

Mebyon Mushi: Mahli, Eder ha Yerimoth. An re ma o mebyon an Levysi herwydh chi aga thasow.

2 Kroniklys 34:21

‘Kewgh, hwila orth an Arloedh ragov vy ha rag an re yw gesys yn Ysrael hag yn Yuda, a-dro dhe eryow an lyver re beu kevys. Rag meur yw konnar an Arloedh yw diverys warnan, drefenn na withas agan tasow ger an Arloedh, dhe wul herwydh oll yw skrifys y'n lyver ma.’

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Job 23:15

Rakhenna dyegrys ov a-dheragdho; pan brederav, yma own dhymm anodho.

Job 31:23

Rag yth esa euth dhymm a derroes dhiworth Duw, ha drefenn y ryelder ny yllyn gul henna.

Salmow 119:53

Konnar a'm dalghennas drefenn an debeles, an re a forsak dha lagha.

Salmow 88:16

Dha gonnar res eth dresov; own ahanas re'm distruis.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

Ebrowyon 12:21

Yn hwir, mar euthyk o an wolok may leveris Moyses, ‘Krena a wrav der own.’

1 Samuel 6:20

Ha gwer Beth-shemesh a leveris, ‘Piw a yll sevel a-dherag an Arloedh, an Duw sans ma? Dhe biw a wra ev mos yn-bann a-dhiworthyn?’