Salmow 119:10 - An Bibel Kernewek 20234 (Kernewek Kemmyn)

¹⁰ A leun golonn my re'th hwilas; na as vy dhe vos yn stray dhiworth dha worhemmynnow.

An Sowter 1997 2023

¹⁰ A leun golonn my re'th hwilas : na as vy dhe vos yn stray dhiworth dha worhemmynnow.

Salmow 119:10 ပူးပေါင်းရင်းမြစ်များ

2 Kroniklys 15:15

Oll Yuda a lowenhas orth an ti; rag i re dosa gans oll aga holonn. I a'n hwilas gans oll aga bodh, hag ev o kevys gansa. Ha'n Arloedh a ros dhedha powes oll a-derdro.

Salmow 119:118

Ty a dhispres oll an re res eth yn stray dhiworth dha ordenansow, rag falsuri yw aga brys.

Salmow 119:133

Orden ow hammow y'th lavar, ha na wres drogoberow maystri warnav.

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Salmow 119:2

Gwynnvys an re a with y dhustuniow, hag a'n hwila ev a leun golonn;

Salmow 119:21

Ty re geredhis an re woethus; milliges yw an re a gammdremen dhiworth dha worhemmynnow.

Salmow 119:34

Gwra dhymm konvedhes, ha my a with dha lagha; devri my a'n syns a leun golonn.

Salmow 119:58

My re hwilas dha fas a leun golonn; bydh grassyes orthiv herwydh dha lavar.

Salmow 119:69

An re woethus re'm droguras gans gowyow er ow fynn, mes my a with dha arghadowyow a leun golonn.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Salmow 23:3

Ev a wra dhe'm enev dasvewa. Ev a'm hembronk yn hynsyow ewnder a-barth y hanow ev.

Salmow 78:37

Rag nyns o aga holonn fast ganso, ha nyns ens i len yn y gevambos.

Lavarow Koth 2:13

an dus a forsak an hynsyow a ewnder rag kerdhes y'n hynsyow a dewlder,

Lavarow Koth 21:16

Neb a wander dhiworth an fordh a gonvedhes a wra powes yn kuntelles spyrysyon an re varow.

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Yeremia 3:10

Mes yn spit dhe oll hemma, ny dreylyas hy hwoer draytus Yuda dhymm gans oll hy holonn, mes yn fayntys, yn-medh an Arloedh.

Ezekiel 34:6

Ow deves eth yn stray war oll an menydhyow, ha war bub bronn ughel; ow deves a veu skattrys war oll enep an nor, ha nagonan ny's hwilas na hwithra.

Hosea 10:2

Aga holonn yw fals; lemmyn i a berth an kessydhyans a'ga offens. Ev a wra dralya aga alteryow, ha distrui aga feulveyn.

Matthew 6:24

‘Ny yll denvyth servya dew vester; rag poken ev a gas an eyl ha kara y gila, po lel yw dhe'n eyl hag ev a dhispres y gila. Ny yllowgh servya ha Duw ha mammon.

Kolossianys 3:22

A gethwesyon, obayewgh dh'agas arlydhi war-lergh an kig yn pup-tra, a-der gans gonis yw gwelys rag plegya dhe vab-den, mes gans glander kolonn, ow perthi own a'n Arloedh.

1 Yowann 2:15

Na gerewgh an bys, na'n traow usi y'n bys. Mar kar nebonan an bys, nyns usi ynno kerensa Duw.

1 Samuel 7:3

Ena Samuel a gewsis dhe oll chi Ysrael ow leverel, ‘Mars esowgh hwi ow tehweles dhe'n Arloedh gans oll agas kolonn, ena gorrewgh dhe-ves an duwow astranj ha'n Ashtaroth a-dhiworth agas mysk. Settyewgh agas kolonn war an Arloedh, ha servyewgh unnsel ev, hag ev a'gas delirv yn-mes a leuv an Filistysi.’