Salmow 118:27 - An Bibel Kernewek 20234 (Kernewek Kemmyn)

²⁷ Duw yw an Arloedh, neb re ros golow dhyn. Pareusewgh an solempnita gans skorrennow, hag yskynnewgh dhe gern an alter.

An Sowter 1997 2023

²⁷ Duw yw an Arloedh, neb re ros golow dhyn : Pareusewgh an solempnita gans skorrennow, hag yskynnewgh dhe gern an alter.

Salmow 118:27 ပူးပေါင်းရင်းမြစ်များ

1 Myghternedh 18:21

Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

1 Kroniklys 29:21

Ternos i a sakrifias sakrifisow dhe'n Arloedh hag offrynna offrynnow leskys dhe'n Arloedh, mil lodhen, mil hordh, ha mil oen, gans aga offrynnow diwes ha sakrifisow yn kals rag oll Ysrael.

Ester 8:16

Dhe'n Yedhewon yth esa golow ha heudhder, ha lowender hag enor,

Salmow 18:28

Rag ty a enow ow lugarn; an Arloedh ow Duw a wra dhe'm tewlder splanna.

Salmow 37:6

Ev a wra dhe'th ewnder splanna avel golow, ha'th wirvreus avel hanter-dydh.

Eksodus 27:2

Ha ty a wra kern rygdhi war hy feder kornell; ha'n kern a vydh a unn rann gensi, ha ty a wra hy gorlownya gans brons.

Eksodus 38:2

Ev a wrug kern dhedhi dh'y feder kornell; hy hern o a unn rann gensi, hag ev a's gorlownyas gans brons.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ysay 9:2

An bobel a gerdhi yn tewlder re welas golow meur; an re trigys yn tir skeus ankow – golow re splannas warnedha.

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Yowann 8:12

Ytho Yesu a gewsis dhedha arta, ow leverel, ‘My yw golow an bys; neb a'm hol, ny gerdh yn tewlder, mes ev a'n jevydh an golow a vewnans.’

Ebrowyon 13:15

Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.