Salmow 115:16 - An Bibel Kernewek 20234 (Kernewek Kemmyn)

¹⁶ An nevow yw nevow an Arloedh, mes an nor re ros ev dhe vebyon den.

An Sowter 1997 2023

¹⁶ An nevow yw nevow an Arloedh : mes an nor re ros ev dhe vebyon den.

Salmow 115:16 ပူးပေါင်းရင်းမြစ်များ

Salmow 144:5

Gwra dhe'th nevow plegya dhe'n dor, A Arloedh, ha diyskynn; toch an menydhyow, ha megi a wrons.

Salmow 148:4

Gormelewgh ev, hwi nevow a nevow, ha hwi dhowrow usi a-ugh an nevow.

Salmow 8:6

Ty a ros dhodho mestrynses war wriansow dha dhiwleuv; ty re worras pup-tra yn-dann y dreys,

Salmow 89:11

Yma an nevow dhiso jy, yma an nor ynwedh dhiso jy; an norvys ha pup-tra eus ynno, ty re's selyas.

Salmow 89:12

An kledh ha'n dyghow, ty re's formyas; Tabor ha Hermon a gri yn lowen y'th hanow.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Kynvannow 3:66

Gwra aga helghya ha'ga distrui y'th sorr a-dhann nevow an Arloedh.

Yowann 14:2

Yn chi ow Thas yma lies trigva. Mar ny ve, a wrussen vy leverel dhywgh my dhe vos dhe bareusi tyller ragowgh?

Dewteronomi 10:14

Otta, an nev ha nev an nevow yw dhe'n Arloedh dha Dhuw, an norvys ha pup-tra eus ynno.

Dewteronomi 32:8

Pan ros an Ughella aga eretons dhe'n kenedhlow, pan rannas mebyon den, ev a settyas oryon poblow war-lergh niver mebyon Ysrael.