Salmow 112:9 - An Bibel Kernewek 20234 (Kernewek Kemmyn)

⁹ Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

An Sowter 1997 2023

⁹ Ev re rannas, ev re ros dhe'n voghosogyon : ha'y ewnder a dhur bys vykken; y gorn a vydh drehevys yn enor.

Salmow 112:9 ပူးပေါင်းရင်းမြစ်များ

Salmow 111:3

Y ober yw leun a wordhyans hag enor, ha'y ewnder a dhur bys vykken.

Salmow 112:3

Kevoeth ha rychys a vydh yn y ji ev, ha'y ewnder a dhur bys vykken.

Salmow 75:10

Oll kern an debeles a droghav dhe-ves, ha kern an re wiryon a vydh ughelhes.

Salmow 92:10

Mes ty re ughelhas ow horn avel korn an ojyon gwyls; ty re'm untyas gans oyl yr.

Salmow 92:11

Ow lagas ynwedh a wel ow mynnas war ow eskerens; ha'm diwskovarn a glew ow mynnas a'n debeles a sev er ow fynn.

Lavarow Koth 14:24

Kurun an re fur yw aga rychys, mes follneth yw garlont an fellyon.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Lavarow Koth 21:26

Oll an jydh ev yw hwansek dhe voy, mes an den gwiryon a re heb lett.

Ekklesiastes 11:6

Gwra hasa dha has y'n myttin, ha na as dha leuv dhe bowes bys y'n gorthugher, rag ny wodhesta pyneyl a wra seweni, po hemma po henna, po martesen aga dew war-barth a vydh da.

Ekklesiastes 3:6

Prys hwilas, ha prys kelli; prys gwitha ha prys tewlel dhe-ves.

Ysay 32:8

An den nobyl a dewl towlow nobyl, hag y'n taklow nobyl ev a sev.

Ysay 58:10

mar profydh dha enev rag an nownek, ha sostena enev an den truan, ena dha wolow a splann y'n tewlder, ha dha dewolgow a vydh avel an hanter-dydh.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Matthew 6:4

rag may fo dha alusen yn-dann gel; ha'th Tas neb a wel yn-dann gel a attal dhis.

Mark 14:7

Rag hwi a gyv an voghosogyon pub eur genowgh ha pan vynnowgh, hwi a yll gul da dhedha, mes ny'm kevowgh vy pup-prys.

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Luk 12:33

Gwerthewgh agas pythow ha rewgh alusen. Gwrewgh porsys dhywgh agas honan na vydhons koth, tresor y'n nevow na fyll nevra, le na dheu lader dhodho na ny wra goedhan y dhistrui.

Luk 16:9

Ha my a lever dhywgh, gwrewgh kowetha dhywgh agas honan a'n mammon a anwiryonedh, rag may fowgh wolkommys, pan fyll ev, bys yn annedhow heb diwedh.

Luk 18:22

Pan glewas Yesu henna, yn-medh ev dhodho, ‘Hwath unn dra a fyll dhis: gwerth pup-tra eus dhis ha'y ranna dhe'n voghosogyon, ha ty a' fydh tresor y'n nevow, ha deus, hol vy.’

Yowann 13:29

Rag re a dybis, drefenn Yudas dhe witha an pors, Yesu dhe leverel dhodho, ‘Pren an taklow usi edhomm dhyn anedha rag an goel’; po may rolla neppyth dhe'n voghosogyon.

Oberow 20:35

Yn pup-tra my a dhiskwedhas dhywgh, y telledh, ow lavurya yndella, sokra an re wann ha perthi kov a eryow an Arloedh Yesu, dell leveris ev, “Moy gwynnvys yw ri ages degemmeres.” ’

Oberow 4:35

ha'y worra orth treys an abesteli; ha rynnys veu dhe gettep onan herwydh y edhomm.

Romanyon 12:13

ow provia rag edhommow an syns, ow siwya helder.

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

Dewteronomi 15:11

Rag an boghosek ny hedh yn-mes a'n tir. Rakhenna my a worhemmynn dhis, ‘Igor dha leuv a-les dhe'th vroder, dhe'th edhommek ha dhe'th voghosek y'th tir.’

Dewteronomi 15:14

Ty a brovi yn hel dhodho dhiworth dha flokk, ha dhiworth dha leur-drushya, ha dhiworth dha winwask; dell wrug an Arloedh dha Dhuw dha venniga, yndella ty a re dhodho.

Dewteronomi 24:13

Daskorr dhodho an goestel pan sedh an howl rag may kosko yn y vantell ha'th vennikka, hag y fydh ewnder dhis a-rag an Arloedh dha Dhuw.

1 Timothi 6:18

Lavar dhedha may hwrons dader, may fons rych yn gwriansow da, may fons hel, parys dhe ranna,

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

Diskwedhyans 22:11

Neb yw kammhynsek, kammhynsek bedhes hwath: ha neb yw plos, plos bedhes hwath: ha neb yw ewn, ewn bedhes hwath: ha neb yw sans, sans bedhes hwath.’

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.