Salmow 111:1 - An Bibel Kernewek 20234 (Kernewek Kemmyn)

¹ Gormelewgh an Arloedh. My a ras dhe'n Arloedh a leun golonn, yn kowethas an re ewnhynsek hag y'n kuntelles.

An Sowter 1997 2023

¹ My a ras dhe'n Arloedh a leun golonn : yn kowethas an re ewnhynsek hag y'n kuntelles.

Salmow 111:1 ပူးပေါင်းရင်းမြစ်များ

Salmow 103:1

Bennik an Arloedh, ow enev, ha pup-tra eus ynnov, bennik y hanow sans.

Salmow 106:1

Gormelewgh an Arloedh. Grassewgh dhe'n Arloedh, rag ev yw da, rag y dregeredh a dhur bys vykken.

Salmow 106:48

Benniges re bo an Arloedh, Duw Ysrael, trank heb worfenn ha bys vykken ha bynnari. Ha leveres oll an bobel, ‘Amen.’ Gormelewgh an Arloedh.

Salmow 107:32

Ha gwrens i y ughelhe yn kuntelles an bobel, ha'y wormel yn kuntellva an henavogyon.

Salmow 108:3

My a'th wormel, A Arloedh, yn mysk an poblow, ha kana gormola dhis yn mysk an kenedhlow.

Salmow 109:30

My a ras dhe'n Arloedh yn feur gans ow ganow, ha my a'n gormel yn mysk an routh.

Salmow 138:1

My a'th wormel, A Arloedh, a leun golonn; a-rag an duwow y kanav gormola.

Salmow 149:1

Gormelewgh an Arloedh. Kenewgh dhe'n Arloedh kan nowydh, y wormola yn kuntelles an syns.

Salmow 22:23

Hwi neb a berth own a'n Arloedh, gormelewgh ev! Hwi oll, has Yakob, gordhyewgh ev, ha hwi oll, has Ysrael, perthewgh euth anodho

Salmow 22:25

Ahanas jy yw ow gormola y'n kuntelles meur; my a dal ow ambosow a-wel dhe'n re a berth own ahanas

Salmow 35:18

My a ras dhis y'n kuntelles meur; my a'th wormel yn mysk routh veur.

Salmow 89:5

Ha'n nevow a wormel dha varthusyon, A Arloedh, dha lelder ynwedh yn kuntelles an syns.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Salmow 9:1

My a'th wormel, A Arloedh, a leun golonn; my a dheriv oll dha varthusyon.