Salmow 110:3 - An Bibel Kernewek 20234 (Kernewek Kemmyn)

³ Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

An Sowter 1997 2023

³ Yma genes mestrynses yn dydh dha nerth, yn splannderyow sansoleth : dhiworth brys an bora yma genes gluth dha yowynkneth.

Salmow 110:3 ပူးပေါင်းရင်းမြစ်များ

1 Kroniklys 16:29

Rewgh dhe'n Arloedh an gordhyans a dhegoedh dh'y hanow; drewgh offrynn, ha dewgh a-dheragdho. Gordhyewgh an Arloedh yn tekter sansoleth;

Nehemia 11:2

Ha'n bobel a vennigas oll an wer neb a offras aga honan a'ga bodh dhe driga yn Yerusalem.

Salmow 29:2

Rewgh dhe'n Arloedh an gordhyans a dhegoedh dh'y hanow; gordhyewgh an Arloedh yn tekter sansoleth.

Salmow 96:9

Gordhyewgh an Arloedh yn tekter sansoleth; kren a-dheragdho, oll an norvys.

Ezekiel 43:12

Hemm yw lagha an tempel. War dopp an menydh, y diredh oll a-dro a vydh an moyha sans. Hemm yw lagha an tempel.

Mika 5:6

Bugelya a wrons an tir a Assyria dre gledha, ha'n tir a Nimrod dre gledha noeth; hag i a'gan delirv dhiworth Asshur pan dheffo yn agan tir ha trettya a-berth yn agan or.

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 19:20

Y'n for' ma ger an Arloedh a gressyas meur hag a veu nerthek.

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Oberow 21:20

Pan glewsons, i a wordhyas Duw, ha leverel dhodho, ‘Ty a wel, broder, fatell eus lies mil yn mysk an Yedhewon neb re grysis, hag i oll yw diwysyk rag an lagha;

Oberow 4:4

Mes meur a'n re neb a glewas an ger a grysis, ha niver an wer a dheuth ha bos a-dro dhe bymp mil.

2 Korinthianys 13:4

Rag krowsys veu dre wannder, mes ev a vew dre nerth Duw. Yn tevri, gwann on ni ynno ev, mes ragowgh hwi ni a wra bewa ganso dre nerth Duw.

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.

2 Korinthianys 8:16

Lemmyn grasow re bo dhe Dhuw, neb re worras yn kolonn Titus an keth frethter a-barth dhywgh hwi,

Efesianys 1:4

dell y'gan dewisas ynno kyns gwrians an bys, may fen ni sans ha divlam a-dheragdho yn kerensa,

Filippianys 2:13

Rag Duw yw neb a ober ynnowgh, ha dhe vynnes ha dhe oberi orth bodh y vrys.

1 Thessalonianys 4:7

Rag ny'gan gelwis Duw dhe vostedhes, mes yn sansoleth.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;

Breusysi 5:2

‘Pan ledyas ledyoryon yn Ysrael, pan ombrofyas an bobel – bennigewgh an Arloedh!

Breusysi 5:9

Ow holonn a dhe gaslewydhyon Ysrael hag a ombrofyas a'ga bodh yn mysk an bobel. Bennigewgh an Arloedh.