Salmow 109:20 - An Bibel Kernewek 20234 (Kernewek Kemmyn)

²⁰ Hemm yw gober ow huhudhoryon dhiworth an Arloedh, ha'n re a gews erbynn ow enev.

An Sowter 1997 2023

²⁰ Mes gwra dhymm, A Arloedh, herwydh dha Hanow : drefenn bos dha dregeredh da, gwra ow delivra.

Salmow 109:20 ပူးပေါင်းရင်းမြစ်များ

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Samuel 18:32

Ha'n myghtern a leveris dhe'n Kushyas, ‘Yw an gour yowynk Absalom saw?’ Ha'n Kushyas a worthybis, ‘Re bo eskerens ow arloedh an myghtern hag oll a dhrehav dhe wul drog dhis, kepar ha'n gour yowynk na.’

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 71:10

Rag ow eskerens a gews er ow fynn, ha'n re a gontrewayt ow enev a omgusul war-barth;

Salmow 94:23

Ev a attal dhedha aga sherewneth aga honan, ha'ga distrui yn aga droktra aga honan; devri, an Arloedh agan Duw a wra aga hisya.

Matthew 11:19

Mab an den a dheuth ow tybri hag owth eva hag yn-medhons i, “Otta gargasenn ha penn-medhow, koweth tolloryon ha peghadoryon.” Mes furneth yw prevys ewn gans hy oberow.’

Matthew 12:24

Mes an Fariseow pan y'n klewsons a leveris, ‘Ny dewl an den ma an dhywolow yn-mes saw dre Belzebul, pryns an dhywolow.’

Mark 9:39

Mes Yesu a leveris, ‘Na'n lettyewgh ev; rag nyns eus denvyth a wra marthusyon yn ow hanow vy hag a yll a verr spys kewsel drog ahanav.

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

1 Korinthianys 12:3

Rakhenna my a afydh dhywgh na lever denvyth ‘Milliges re bo Yesu’ hag ev ow kewsel dre Spyrys Duw, keffrys na yll denvyth leverel ‘Yesu yw an Arloedh’ marnas der an Spyrys Sans.

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.