Salmow 106:8 - An Bibel Kernewek 20234 (Kernewek Kemmyn)

⁸ Byttegyns ev a's selwis a-barth y hanow, rag may hwrella dh'y wriansow nerthek bos aswonnys.

An Sowter 1997 2023

⁸ Byttegyns ev a's selwis a-barth y Hanow : rag may hwrella dh'y wriansow nerthek bos aswonnys.

Salmow 106:8 ပူးပေါင်းရင်းမြစ်များ

Salmow 111:6

Ev re dherivas dh'y bobel galloes y wriansow, rag may rollo dhedha ertach an kenedhlow.

Salmow 143:11

Bewha vy, A Arloedh, a-barth dha hanow; a-barth dha ewnder doroy ow enev yn-mes a anken.

Salmow 23:3

Ev a wra dhe'm enev dasvewa. Ev a'm hembronk yn hynsyow ewnder a-barth y hanow ev.

Eksodus 15:6

‘Dha leuv dhyghow, A Arloedh, yw gormelys yn nerth, dha leuv dhyghow, A Arloedh, a vrew an eskar.

Eksodus 18:8

Ena Moyses a leveris dh'y hwegron pup-tra a wrussa an Arloedh dhe Faro ha dhe Ejyp a-barth Ysrael, oll an anken re dhothya warnedha war an hyns ha fatell y's liv'sa an Arloedh.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Ysay 48:9

A-barth ow hanow my a dhelat ow sorr, a-barth ow gormola y'n lestav ragos, ma na'th tregghiv dhe-ves.

Yeremia 14:21

Na wra agan kasa, a-barth dha hanow; na dhisenor tron dha wolewder; porth kov, na dorr dha gevambos genen.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 20:22

Mes my a gildennas ow leuv dhe-ves, hag oberi a-barth ow hanow, ma na ve disakrys a-wel dhe'n kenedhlow, may hwrug vy aga dri yn-mes yn aga gwel.

Ezekiel 20:44

Hwi a woer my dhe vos an Arloedh pan wrav vy yn ta genowgh a-barth ow hanow, a-der war-lergh agas drog fordhow ha'gas gwriansow legrys, a ji Ysrael, yn-medh an Arloedh Duw.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Romanyon 9:17

Rag an skryptor a lever dhe Faro, ‘My re'th sevis rag an keth tra ma may tiskwetthiv dhis ow galloes ynnos ha may fo dyllys ow hanow vy y'n norvys oll.’

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.