Salmow 106:23 - An Bibel Kernewek 20234 (Kernewek Kemmyn)

²³ Rakhenna ev a leveris y hwrussa aga diswul, na saffa Moyses y dhewisys a-dheragdho y'n aswa, rag treylya y sorr dhe-ves ma na's diswrello.

An Sowter 1997 2023

²³ Rakhenna ev a leveris y hwrussa aga diswul : na saffa Moyses y dhewisys a-dheragdho y'n aswa : rag treylya y sorr dhe-ves ma na's diswrello.

Salmow 106:23 ပူးပေါင်းရင်းမြစ်များ

Job 35:8

Ny wra dha sherewynsi tochya marnas gour kepar ha ty, ha ny doch dha ewnder marnas mebyon tus.

Salmow 105:26

Ev a dhannvonas Moyses y was, hag Aron neb re dhewissa ev.

Salmow 105:6

A has Abraham y was, hwi vebyon Yakob a dhewisas.

Eksodus 32:32

Mes lemmyn, mar mynnydh gava aga fegh – ha mar ny vynnydh, gwra ow defendya, my a'th pys, yn-mes a'th lyver re skrifsys.’

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Ezekiel 13:5

Ny yskynnsowgh bys y'n aswaow, na ny dhrehevsowgh fos rag chi Ysrael, may saffo y'n gas yn dydh an Arloedh.

Ezekiel 20:8

Mes i a rebellyas er ow fynn ha ny vynnsons goslowes dhymm; ny wrug nagonan tewlel dhe-ves an taklow kasadow esa a-rag aga dewlagas, ha ny forsaksons idolys Ejyp. Ena yn-medhav, My a dhiver ow honnar warnedha, ow kowlwul ow sorr er aga fynn yn kres pow Ejyp.

Ezekiel 22:30

My a hwilas gour anedha a vynna drehevel an fos ha sevel a-ragov y'n aswa, ma na ve an pow distruys, mes ny'n kevis.

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

Dewteronomi 10:10

My a sevis war an menydh avel an kynsa dew-ugens dydh ha dew-ugens nos, ha'n Arloedh a woslowas orthiv an weyth na ynwedh, ha ny vynnas an Arloedh dha dhistrui.

Dewteronomi 9:19

Rag my a borthas own a'n sorr ha'n gonnar may fernewis an Arloedh gansa er agas pynn, dh'agas distrui. Mes an Arloedh a woslowas orthiv y'n eur na ynwedh.

Dewteronomi 9:25

Ytho my a goedhas dhe'n dor a-rag an Arloedh dewgens dydh ha dewgens nos, ow krowedha ena a-hys, rag an Arloedh a lavarsa ev dhe vynnes agas distrui.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.