Salmow 106:19 - An Bibel Kernewek 20234 (Kernewek Kemmyn)

¹⁹ I a wrug leugh yn Horeb ha gordhya an imaj teudh.

An Sowter 1997 2023

¹⁹ I a wrug leugh yn Horeb : ha gordhya an imaj teudh.

Salmow 106:19 ပူးပေါင်းရင်းမြစ်များ

Eksodus 32:35

Ha'n Arloedh a dhannvonas pla war an bobel rag i dhe wul an leugh a wrug Aron.

1 Korinthianys 10:7

Na vewgh gordhyoryon idolys, kepar ha rann anedha, dell yw skrifys, ‘An bobel a wrug esedha rag dybri hag eva ha sevel rag gwari.’

Oberow 7:41

Hag y'n dydhyow na i a formyas leugh hag offrynna sakrifis dhe'n idol ha lowenhe yn oberow aga diwla.

Nehemia 9:18

Kyn hwrussens ragdha aga honan imaj teudh a leugh ha leverel, “Hemm yw dha dhuw neb a'th tros yn-bann yn-mes Ejyp”, hag y hwrussens blasfemiow bras,

Dewteronomi 9:21

Ena my a gemmeras agas peghes a wrussowgh, an leugh, ha'y leski y'n tan, orth y vrewi, orth y velyas yn teg bys may feu melys dhe dhoust; ha my a dewlis y dhoust y'n gover esa ow tiyskynna dhiworth an menydh.

Dewteronomi 9:8

Orth Horeb hwi a sorras an Arloedh, ha'n Arloedh a veu serrys lowr orthowgh, dh'agas distrui.

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

Dewteronomi 9:19

Rag my a borthas own a'n sorr ha'n gonnar may fernewis an Arloedh gansa er agas pynn, dh'agas distrui. Mes an Arloedh a woslowas orthiv y'n eur na ynwedh.