Salmow 104:34 - An Bibel Kernewek 20234 (Kernewek Kemmyn)

³⁴ Bedhes ow freder plegadow dhodho, my a lowenha y'n Arloedh.

An Sowter 1997 2023

³⁴ Bedhes ow freder plegadow dhodho : my a lowenha y'n Arloedh.

Salmow 104:34 ပူးပေါင်းရင်းမြစ်များ

Jenesis 24:63

Ysak eth yn-mes dhe brederi y'n gwel y'n gorthugher, hag ev a viras war-vann hag awotta kowrvergh ow tos.

Salmow 1:2

mes yma y dhelit yn lagha an Arloedh, hag yn y lagha y preder ev dydh ha nos.

Salmow 105:3

Bostyewgh yn y hanow sans; lowenhes kolonn an re a hwila an Arloedh.

Salmow 119:111

My re gemmeras dha dhustuniow yn ertach bys vykken, rag lowena ow holonn yns i.

Salmow 119:167

Ow enev re synsis dha dhustuniow, ha my a's kar yn feur.

Salmow 32:11

Lowenhewgh y'n Arloedh, ha bedhewgh heudhik, hwi an re wiryon, germewgh yn lowen, oll hwi yw ewnhynsek agas kolonn.

Salmow 35:9

Ha'm enev a vydh heudhik y'n Arloedh, ow lowenhe yn y selwyans.

Salmow 77:12

My a breder ynwedh a'th oberow oll, ha my a gews a'th wriansow.

Salmow 9:2

My a lowenha hag a vydh fest heudhik ynnos; my a gan gormola dhe'th hanow, an Ughella.

Lavarow Koth 24:14

Yndella y fydh godhvos furneth dhe'th enev, mara's kevydh, ty a' fydh gwaytyans ragos, ha ny vydh dha wovenek treghys dhe-ves.

Luk 1:47

ha'm spyrys re lowenhas yn Duw ow Selwyas,

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Diskwedhyans 10:10

Ha my a gemmeras an rol-skrifa vyghan yn-mes a leuv an el ha'y dybri, hag y'm ganow hweg kepar ha mel o hi, ha pan y's dybris, ow thorr eth ha bos hwerow.