Salmow 103:17 - An Bibel Kernewek 20234 (Kernewek Kemmyn)

¹⁷ Mes tregeredh an Arloedh re beu bythkweth hag a vydh bys vykken war an re a berth own anodho, ha'y ewnder dhe fleghes aga fleghes;

An Sowter 1997 2023

¹⁷ Mes tregeredh an Arloedh re beu bythkweth hag a vydh bys vykken war an re a berth own anodho : ha'y ewnder dhe fleghes aga fleghes;

Salmow 103:17 ပူးပေါင်းရင်းမြစ်များ

Salmow 100:5

Rag da yw an Arloedh; y dregeredh a dhur bys vykken, ha'y lelder a dhur a unn henedh dhe'n nessa.

Salmow 111:3

Y ober yw leun a wordhyans hag enor, ha'y ewnder a dhur bys vykken.

Salmow 118:1

Grassewgh dhe'n Arloedh, rag da yw; rag y dregeredh a dhur bys vykken.

Salmow 22:31

I a dheu, ha derivas y ewnder dhe bobel a vydh genys, ev dhe vos neb a wrug hemma.

Salmow 25:6

Porth kov, A Arloedh, a'th truedh ha'th tregeredh, rag i re beu yn few trank heb worfenn.

Salmow 90:16

Bedhes dha wriansow apert dhe'th wesyon, ha'th splannder dh'aga fleghes.

Eksodus 20:6

mes ow tiskwedhes tregeredh war vilyow anedha a'm kar hag a with ow gorhemmynnow.

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Yeremia 31:3

an Arloedh a omdhiskwedhas dhodho a-bell: My re'th karas gans kerensa heb diwedh; ytho gans tregeredh my re'th tennas.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Mika 6:5

Ow fobel vy, porth kov a'n pyth a gusulyas Balak myghtern Moab, hag a'n pyth a worthybis dhodho Balaam mab Beor, hag a'n pyth a hwarva dhiworth Shittim bys Gilgal, rag mayth aswonni gweythresow gwiryon an Arloedh.’

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 15:8

Rag y lavarav dhywgh y teuth Krist ha bos menyster dhe'n re drodreghys rag gwirder Duw, rag surhe an ambosow a veu res dhe'n tasow,

Dewteronomi 10:15

Saw unnsel war dha dasow an Arloedh a settyas y gerensa, dh'aga hara, hag ev a dhewisas aga has war aga lergh, hwi a-ugh oll an poblow, kepar hag y'n jydh hedhyw.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist: