Romanyon 9:5 - An Bibel Kernewek 20234 (Kernewek Kemmyn)

⁵ dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

Romanyon 9:5 ပူးပေါင်းရင်းမြစ်များ

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

1 Myghternedh 1:36

Ha Benaya mab Yehoyada a worthybis dhe'n myghtern, ‘Amen! Re lavarro yndella an Arloedh, Duw ow arloedh an myghtern.

1 Kroniklys 16:36

Benniges re bo an Arloedh, Duw Ysrael, trank heb worfenn.’ Hag oll an bobel a leveris, ‘Amen’ ha gormel an Arloedh.

Salmow 103:19

An Arloedh re fastyas y se y'n nevow, ha'y wlaskor a wra maystri war bup-tra.

Salmow 106:48

Benniges re bo an Arloedh, Duw Ysrael, trank heb worfenn ha bys vykken ha bynnari. Ha leveres oll an bobel, ‘Amen.’ Gormelewgh an Arloedh.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 89:52

Benniges re bo an Arloedh bys vykken ha bynnari. Amen hag Amen.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 28:6

ha'n profoes Yeremia a leveris, ‘Amen! Re wrello an Arloedh yndella; re gollanwo an Arloedh an geryow re brofoessys, ha daskorr lestri chi an Arloedh, hag oll an dhivresow, a-dhiworth Babylon dhe'n tyller ma.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Matthew 6:13

Ha na wra agan dri yn temptasyon, mes delirv ni dhiworth drog.

Luk 20:44

Lemmyn mar kwra Davydh y elwel “Arloedh”, fatell yll ev bos y vab?’

Yowann 10:30

My ha'm Tas yw onan.’

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Romanyon 1:25

neb a dreylyas gwirder Duw yn gow hag a wordhya ha servya an kreatur yn le an Gwrier, yw benniges bys vykken. Amen.

Romanyon 1:3

a-dro dh'y Vab devedhys a has Davydh war-lergh an kig

Romanyon 10:12

Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho.

Romanyon 11:28

Ow tochya an aweyl, eskerens yns dhe Dhuw, a'th wovis; mes ow tochya dewisyans, kerys yns a-barth an tasow.

1 Korinthianys 14:16

Poken mar pennigydh y'n spyrys, fatell yll nebonan usi ynter an re heb dyskans leverel ‘Amen’ dhe'th grasyans, pan na woer an pyth a leverydh?

2 Korinthianys 11:31

Duw ha Tas an Arloedh Yesu, re bo ev benniges trank heb worfenn, a woer nag esov vy ow leverel gowyow.

Dewteronomi 10:15

Saw unnsel war dha dasow an Arloedh a settyas y gerensa, dh'aga hara, hag ev a dhewisas aga has war aga lergh, hwi a-ugh oll an poblow, kepar hag y'n jydh hedhyw.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

1 Timothi 6:15

Hemma, y'n termyn ewn, a wra ev diskwedhes, an unn Pennsevik benniges, Myghtern myghternedh, hag Arloedh arlydhi,

2 Timothi 2:8

Porth kov a Yesu Krist drehevys dhiworth an re varow, a has Davydh, war-lergh ow aweyl,

Ebrowyon 7:24

mes ev a syns y soedh bys vykken, rag ev dhe besya bys vykken.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’

Diskwedhyans 22:20

Neb a dheg dustuni a'n taklow ma, a lever, ‘Dhe wir, my a dheu yn skon.’ Amen, deus, Arloedh Yesu.

Diskwedhyans 5:14

Hag yn-medh an peswar kreatur bew, ‘Amen.’ Ha'n peswar henavek warn ugens a goedhas dhe'n dor ha gordhya.