Romanyon 9:4 - An Bibel Kernewek 20234 (Kernewek Kemmyn)

⁴ Ysraelysi yns ha dhedha yw an adoptyans avel mebyon, an golewder, an kevambosow, ri an lagha, an servis ha'n ambosow,

Romanyon 9:4 ပူးပေါင်းရင်းမြစ်များ

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

Jenesis 17:10

Hemm yw ow hevambos a wre'ta y witha, yntra my ha hwi ha'th has war dha lergh. Pub gorreydh ahanowgh a vydh trodreghys

Jenesis 17:2

Ha my a wra ow hevambos yntra my ha ty, ha my a wra dha gressya dres eghenn.’

Jenesis 17:7

Ha my a fast ow hevambos yntra my ha ty, ha'th has war dha lergh yn aga henedhow avel kevambos bys vykken, dhe vos Duw dhiso, ha'th has war dha lergh.

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

1 Myghternedh 8:11

ma na ylli an oferysi sevel dhe venystra drefenn an gommolenn; rag golewder an Arloedh a lenwis chi an Arloedh.

Nehemia 13:29

Porth kov anedha, ow Duw, drefenn i dhe dhefola an oferyaseth, ha kevambos an oferyaseth ha'n Levysi.

Salmow 147:19

Ev a dhiskwa y er dhe Yakob, y ordenansow ha'y vreusow dhe Ysrael.

Salmow 63:2

Yn kettella re viris vy orthis y'n sentri, dhe weles dha nerth ha'th wolewder.

Salmow 73:1

Da yn hwir yw Duw orth Ysrael, orth an re yw glan aga holonn.

Salmow 78:61

Ev a dhelivras y nerth dhe gethneth, y wolewder dhe leuv an eskar.

Salmow 89:3

‘My re wrug kevambos gans an den dewisys genev, my re dos dhe Davydh ow gwas:

Salmow 89:34

Ny dorrav ow hevambos, ha ny dreylyav an ger a dheuth yn-mes a'm diwweus.

Salmow 90:16

Bedhes dha wriansow apert dhe'th wesyon, ha'th splannder dh'aga fleghes.

Eksodus 12:25

Ha pan dhewgh dhe'n tir a wra an Arloedh ri dhywgh, dell dhedhewis, hwi a wra gwitha an gonis ma.

Eksodus 34:27

Ha'n Arloedh a leveris dhe Moyses, Skrif an geryow ma; herwydh an geryow ma my re wrug kevambos genes ha gans Ysrael.

Eksodus 4:22

Ha ty a lever dhe Faro, “Yndellma y lever an Arloedh: Ow hynsa-genys yw Ysrael;

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 46:3

Goslowewgh orthiv, chi Yakob, oll an remenant a ji Ysrael, neb re beu begh warnav a-dhia'n brys, degys a-ban esens y'n dorr;

Ysay 5:2

Ev a's palas, ha kuntell an meyn yn-mes anedhi, ha plansa ynni an gwella gwinbrennyer. Ev a dhrehevis tour y'n kres anedhi, hag ynwedh ev a droghas gwinwask ynni. Ev a waytyas grappys dhe vos gwrys, mes y hwrug grappys trenk.

Ysay 60:19

Ny vydh an howl golow ragos byth moy dydhweyth, na ny vydh golow dhis splannder an loer; mes an Arloedh a vydh dhis golow bys vykken, ha dha Dhuw a vydh dha glori.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Hosea 11:1

Pan veu Ysrael flogh my a'n karas, hag yn-mes a Ejyp my a elwis ow mab.

Niverow 7:89

Ha pan eth Moyses dhe dylda an kuntelles dhe gewsel gans an Arloedh, ev a glewas lev ow kewsel orto a-ugh an dregeredhva hag esa war argh an dustuni, yntra dew gerub; hag ev a gewsis orto.

Matthew 21:33

‘Klewewgh parabolenn arall. Yth esa unn den, perghennek tir, neb a blansas gwinlann ha gorra ke a-dro dhedhi ha palas gwinwask ynni, ha drehevel tour, ha'y settya dhe diogyon, hag ena vyajya yn-kerdh.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Oberow 2:39

Rag yma'n dedhewadyow dhywgh hwi ha dh'agas fleghes ha dhe'n re usi pell, myns a alwo an Arloedh agan Duw dhodho.’

Romanyon 3:2

Meur war bub fordh. Wostalleth an Yedhewon a's teves gwitha lavarow Duw.

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

Romanyon 9:6

Mes nyns yw par dell fallsa ger Duw. Rag nyns yns dhe Ysrael oll hag yw sevys a Ysrael.

2 Korinthianys 11:22

Ebrowyon yns i? My ynwedh. Ysraelysi yns i? My ynwedh. Has Abraham yns i? My ynwedh.

Galatianys 3:16

Y feu leverys an ambosow dhe Abraham ‘Ha dh'y hasenn.’ Ny leverir ‘Ha dhe'n hasennow’, kepar dell ve a-dro dhe lies, mes a-dro dhe onan, ‘Ha dhe'th hasenn’, hag yw Krist.

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

Dewteronomi 14:1

Hwi yw mebyon dhe'n Arloedh agas Duw: ny omhakkyowgh, na ny wrewgh bloghter ynter agas dewlagas rag den marow.

Dewteronomi 29:1

An re ma yw geryow an kevambos a worhemmynnis an Arloedh dhe Moyses dh'y wul gans mebyon Ysrael yn pow Moab, dres an kevambos a wrug gansa orth Horeb.

Dewteronomi 29:14

Nyns yw unnsel genowgh hwi y hwrav vy an kevambos ma ha'n volleth ma,

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Dewteronomi 4:13

Ev a dhiskleryas dhywgh y gevambos a worhemmynnis dhywgh dhe wul, an deg ger, hag ev a's skrifas war dhiw leghenn a ven.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Ebrowyon 9:1

Lemmyn, hwath an kynsa kevambos a'n jevo ordenansow rag gordhyans ha sentri y'n bys.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

Ebrowyon 9:3

hag a-dryv an nessa kroglenn y sev tabernakel – hemm yw henwys Sans a'n Sansow –

Ebrowyon 9:5

a-ughto yth esa cherubim an golewder ow korskeusi an dregeredhva. A'n traow ma nyns eus lemmyn kewsel yn funys.

Ebrowyon 9:6

An darbarow ma gwrys yndellma, yth a an oferysi pup-prys y'n kynsa tabernakel rag gul aga gwasonieth;