Romanyon 9:20 - An Bibel Kernewek 20234 (Kernewek Kemmyn)

²⁰ Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

Romanyon 9:20 ပူးပေါင်းရင်းမြစ်များ

2 Samuel 16:10

Mes yn-medh an myghtern, ‘Pyth eus yntra my ha hwi, hwi vebyon Seruya? Mar kwra ev mollethi rag an Arloedh dhe leverel dhodho, “Molleth Davydh”, piw a lever ena, “Prag y hwruss'ta yndella?” ’

Job 16:3

“A vydh diwedh dhe'th eryow gwynsek?” po “Pyth a wra dhis mar hardh ow tadhla?”

Job 33:13

Prag y strivydh er y bynn, rag ny yll denvyth gorthybi dhe oll y eryow?

Job 36:23

Piw re ragsettyas dhodho y fordhow, po leverel dhodho, “Ty re gammwrug”?

Job 40:2

‘A yll den kavyllek strivya gans an Ollgalloesek? Neb a dhadhel gans Duw, gorthybes ev dhodho.’

Job 40:5

My re gewsis unnweyth, ha ny worthybav; diwweyth, mes ny lavarav moy.’

Job 40:8

A vynnydh diswul ow breus? A vynnydh ow dampnya rag ty dhe vos ewnhes?

Job 9:32

Rag nyns yw ev gour, dell ov vy, may hylliv y worthybi, may hyllyn dos war-barth erbynn y gila y'n breuslys.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Ysay 29:16

Hwi a dreyl an pyth a-wartha dhe woeles. A vydh priweythor tybys avel pri? A lever an pyth yw gwrys a-dro dh'y wrier, ‘Ny'm gwrug’? A lever pott a-dro dh'y briweythor, ‘Ny gonvedh’?

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Yeremia 18:6

A ny allav gul genes kepar ha'n priweythor ma, A ji Ysrael? yn-medh an Arloedh. Otta, par dell yw an pri yn leuv an priweythor, yndella yth owgh y'm leuv vy, A ji Ysrael.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Matthew 20:15

A ny'm beus kummyas dhe wul kepar dell vynnav gans ow fyth ow honan? Po yw dha lagas jy drog drefenn my dhe vos hel?”

Luk 12:14

Hag ev a worthybis dhodho, ‘A dhen, piw a'm settyas avel breusydh po mayner warnowgh?’

Romanyon 14:4

Piw os jy hag a vreus servont den arall? A-rag y vester y honan y sev po y koedh. Ha skoedhys vydh, rag Duw a yll gul dhodho sevel.

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Romanyon 2:3

A dybydh, A dhen, y skeusydh a vreus Duw pan vreusydh an re a wra taklow a'n par na ha ty dha honan orth aga gul?

Romanyon 9:21

A nyns eus dhe'n gweythor-pri maystri war an pri dhe wruthyl a'n keth tamm an eyl lester rag enor ha'y gila rag disenor?

Romanyon 9:22

Mes pandra mar kwrug Duw, gans bodh a dhiskwedhes y gonnar ha dyllo y alloes, perthi gans perthyans meur an lestri a gonnar gwrys gwiw rag distrui,

1 Korinthianys 1:20

Ple'ma'n den fur? Ple'ma'n den konnyk y'n lagha? Ple'ma'n dadhlor a'n oes ma? A ny wrug Duw dhe skentoleth an bys bos foll?

1 Korinthianys 7:16

A wreg, fatell wodhesta mar kwredh selwel dha wour? A wour, fatell wodhesta mar kwredh selwel dha wreg?

1 Timothi 6:5

ha'n dadhlow heb worfenn a dus legrys aga brys, ha'n gwir kemmerys dhiworta i, a dyb sansoleth dhe vos mayn rag kavoes gwayn arghansek.

2 Timothi 2:20

Yn chi bras nyns eus lestri unnsel yn owr hag arghans, mes yn prenn ha pri ynwedh, an re na rag enor ha'n re ma rag disenor.

Titus 2:9

Gwra keski kethwesyon may fons gostydh dh'aga mestrysi yn pup-tra, dhe blegya yn ta heb dadhel,

Jamys 2:20

A vynn'ta godhvos, a dhen koeg, bos euver fydh heb gwriansow?